30

کالاش ویلی روڈ پر گاڑی حاثے کا شکار ہونے سے ایک خاتون جان بحق اور تین افراد زخمی ہو گئے

چترال ( محکم الدین) کالاش ویلی روڈ پر گاڑی حاثے کا شکار ہونے سے ایک خاتون جان بحق اورتین افراد زخمی ہو گئے ۔ تفصیلات کے مطابق ایک سوزوکی جیپ جسے نورشاہدین المعروف داروئے کالاش چلا رہاتھا ۔ چترال سے اپنے گھر بمبوریت جاتے ہوئے دوباژ پوسٹ کے قریب بے قابو ہو کر نالہ ایون میں جا گری ۔ جس کے نتیجے میں کالاش خاتون گل شاہین دختر ملنگ کالاش ساکن پہلواناندہ بمبوریت جان بحق جبکہ جم خان ولد بلبل شاہ ساکن رمبور ، محمد شفیع ولد عبادت خان ٹویش بمبوریت ا ور ایک دس سالہ بچہ زخمی ہو گئے ۔ جن میں سے دو کو طبی امداد کے بعد فارغ کر دیا گیا ہے ، تاہم جم خان کو ہسپتال میں داخل کر دیا گیا ہے ۔ جان بحق خاتون کی لاش کو رورل ہیلتھ سنتر ایون منتقل کر دیا ہے۔ ذرائع کے مطابق حاثہ خراب سڑک کے باعث پیش آیا ۔ کیونکہ حالیہ برفباری کے بعد کالاش ویلی کی سڑکیں بُری طرح خراب ہو چکی ہیں ۔ اور مسافروں کو ہر لمحہ جانی خطرہ درپیش ہے ۔ مقامی لوگوں نے مطالبہ کیا ہے ۔ کہ بمبوریت روڈ کی حالت کو بہتر بنایا جائے ، تاکہ وادی کے لوگ آئے روز کے حادثات سے بچ سکیں ۔

Print Friendly, PDF & Email

اپنا تبصرہ بھیجیں