سرکاری خبر رساں ادارے کے مطابق وفاقی وزیرداخلہ چوہدری نثار کی زیرصدارت وزارت داخلہ میں اعلیٰ سطح کا اجلاس ہوا جس میں نئی رجسٹریشن پالیسی کے تحت 70 غیر ملکی این جی اوز کو ملک میں کام کرنے کی اجازت دی گئی جب کہ چوہدری نثار نے وزارت داخلہ کو غیر ملکی این جی اوز کی زیر غور درخواستوں پر بھی تیزی سے کام مکمل کرنے کی ہدایت کی۔چوہدری نثار نے نادرا کے ساتھ تکنیکی تعاون کے لیے وزارت میں غیر ملکی این جی اوز کا سہولیاتی سیل قائم کرنے کی بھی ہدیات کی۔ اس موقع پر چوہدری نثار نے کہا کہ حکومت کسی کو بھی غیر ملکی این جی اوز کی آڑ میں ملکی مفاد کے خلاف کام کرنے کی اجازت نہیں دے گی۔
301