پشاور ہائیکورٹ نے تمام ہسپتالوں کو میڈیکل ویسٹ جلد از جلد ٹھکانے لگانے کے احکامات جاری کرتے ہوئے کہا ہے کہ اگر احکامات پر عمل نہ کیا گیا تو عدالتی کارروائی کی جائے گی ‘ پشاو ر کے ایک وکیل سیف اللہ محب کا کاخیل کی جانب سے جمع کرائی گئی درخواست میں موقف اپنا یا گیا تھا کہ پشاور کے بڑے ہسپتالوں سمیت تمام ہسپتالوں میں میڈیکل ویسٹ کو ٹھکانے لگانے کے کوئی انتظامات نہیں جس کی وجہ سے بیماریاں پھیل رہی ہیں گزشتہ روز سماعت کے موقع پر محکمہ صحت کے عہدیدارمحمد ایوب نے عدالت کو بتایا کہ خیبر ٹیچنگ ہسپتال اور آر ایم آئی میں میڈیکل ویسٹ کو ٹھکانے لگانے کا نظام موجود ہے جبکہ دیگر کسی ہسپتال میں یہ انتظام نہیں ‘ اس موقع پر عدالت عالیہ نے محکمہ ماحولیات کے ڈائر یکٹر جنرل بشیر خان کو حکم دیا کو ہسپتالوں میں میڈیکل ویسٹ کے حوالے سے انتظامات کا تفصیلی معائنہ کے بعد ایک ماہ میں رپورٹ عدالت میں پیش کی جائے ۔