خیبر پختونخوا حکومت نے صوبے کے مختلف حصوں میں چینی زبان سیکھنے والوں کیلئے 4 مراکز قائم کرنے کا فیصلہ کیا ہے جس میں پشاور، ایبٹ آباد، ہری پور اور ڈیرہ اسماعیل میں ایک ایک مرکز کھولا جائے گا۔سرکاری ذرائع نے بتایا ہے کہ پشاور، ایبٹ آباد، ہری پور اور ڈیرہ اسماعیل خان میں ایک ایک مرکز کھولا جائے گا جبکہ ان مراکز کے قیام سے خیبرپختونخوا اور فاٹا کے تعلیم یافتہ نوجوان چین پاکستان اقتصادی راہداری سے متعلق منصوبوں میں ملازمتیں حاصل کرسکیں گے۔واضح رہے کہ چین پاکستان اقتصادی راہدری (سی پیک) منصوبے کی وجہ سے اردو اور چینی زبانیں سیکھنے کے رجحان میں نمایاں اضافہ ہوا ہے جس کی بنیادی وجہ اس بڑے منصوبے میں ہونے والی ریکارڈ سرمایہ کاری سے فائدہ اٹھانا ہے۔ اس منصوبے سے پاکستان میں روزگار کے وسیع مواقعے دستیاب ہوں گے۔پاکستان میں چینی زبان بولنے والے پاکستانیوں کی طلب میں اضافہ ہوا ہے اور بھاری معاوضہ پر ان کی خدمات لیں جارہی ہیں اسی طرح چین میں “اردو” زبان بولنے والوں کی طلب بھی بڑھ رہی ہے۔
198