مسجد قاسم علی خان اور مقامی رویت ہلال کمیٹی کی جانب سے 24 جون کو ہفتے کے روز پشاور میں عیدالفطر کا چاند دیکھنے کےلئے اجلاس طلب کرلیا گیا ہے۔ اس فیصلے کے بعد ملک میں ایک بار پھر روایت کے مطابق دو عیدیں منانے کا امکان ظاہر کیا جارہا ہے۔میڈیا رپورٹس کے مطابق مسجد قاسم علی خان اور مقامی کمیٹیوں نے یہ اعلان پہلا روزہ 27 مئی کو رکھنے کی وجہ سے کیا ہے جس کے مطابق 29واں روزاں 25 کی بجائے 24 جون کو آتا ہے۔رپورٹس کے مطابق اگر 24 تاریخ کو قاسم علی خان کی کسی بھی کمیٹی کو چاند دیکھنے کے حوالے سے شہادتیں موصول ہوئیں تو خیبرپختونخوا کے بیشتر حصوں میں عیدالفطر اتوار کے روز 25 جون کو ہوگی۔یاد رے کہ مرکزی رویت ہلال کمیٹی نے اس مرتبہ 25 جون کو اپنا اجلاس پشاور میں منعقد کرنے کا فیصلہ کیا ہے جس میں مسجد قاسم علی خان کے نمائندے کو بھی شرکت کی دعوت دی گئی ہے تاہم دعوت نامے کے جواب میں مسجد قاسم علی خان کی جانب سے مرکزی کمیٹی کو 24 جون کو ہونے والے مقامی اجلاس میں اپنا نمائندہ بھیجنے کی دعوت دے دی۔
223