پشاور کے حیات آباد میڈیکل کمپلیکس میں نرسنگ طالبات نے اپنی ہیڈ نرس کے خلاف احتجاجی مظاہرہ کیا ہے۔ آج ہسپتال کے اندر ہوئے اس مظاہرے میں نرسنگ طالبات کی کثیر تعداد نے شرکت کی۔ اس موقع پر ان کا کہنا تھا کہ ہیڈ نرس ان کے ساتھ تلخی سے پیش آتی ہیں اور ہاسٹل کے اندر کھانا پکانے کے علاوہ باہر سے کھانا لانے پر بھی پابندی عائد کرتے ہوئے انہیں کینٹین کا کھانا کھانے پر مجبور کرتی ہیں۔ انہوں نے مزید کہا کہ دوران ڈیوٹی دیگر نرسز کو موبائل فون استعمال کی اجازت ہے تاہم سٹوڈنٹ نرسز پر بے جا پابندی لگائی گئی ہے۔احتجاج کرنے والی ان نرسز کی اکثریت کا تعلق ضلع چترال سے ہے جن کا کہنا ہے کہ گزشتہ چار ماہ سے ان کے ساتھ ظالمانہ رویہ برتا جا رہا ہے لیکن بار بار کی شکایات کے باوجود انتظامیہ کے کانوں پر جوں تک نہیں رینگتی۔
286