ٹورازم کارپوریشن کی جانب سے صوبہ خیبرپختونخوا کا سافٹ ایمج دنیا میں پیش کرنے اور پشاور سے بونیر تک راستے میں موجود آرثارقدیمہ کے مقامات کو اجاگر کرنے کیلئے خاتون موٹر سائیکل رائیڈر کے سفر کا اہتمام کیا گیا جس میں پاکستان کی نامور خاتون موٹربائیک رائیڈر گل افشاں طارق نے پشاور میوزیم سے بونیر تک موٹرسائیکل پر سفر کیااور ڈسٹرکٹ انتظامیہ کی جانب سے بونیر میں جاری تین روزہ جشن بونیر میں شرکت کی۔ تفصیلات کے مطابق ٹورازم کارپوریشن خیبرپختونخوا نے صوبہ کے سافٹ ایمج اور دنیا کو خیبرپختونخوا سے امن کا پیغام دینے کیلئے خاتون موٹرسائیکل رائیڈر گل افشاں طارق کا پشاور سے بونیر تک ٹوور کا انعقاد کیاجس میں گل افشاں طارق نے پشاور میوزیم سے اپنے سفر کا آغاز کیا اور شیر گڑھ ، ڈگربونیر اور بونیر چیک پوسٹ سمیت صوبہ میں موجود تاریخی اور آثارقدیمہ کے مقامات پر سے ہوتی ہوئی شہید سرچعرزئی میں جاری بونیر فیسٹیول میں شرکت کی، اس موقع پر پشاور سے بونیر تک مختلف مقامات پر ڈاکومنٹری بھی بنائی گئی جو کہ آئندہ چند روز میں سوشل میڈیا پر جاری کردی جائیگی۔
259