477

لواری ٹنل کو ہر وقت ٹرانسپورٹ کے لئے کھلا رکھا جائے بصورت دیگر یونین راست قدم اٹھانے پر مجبور ہوگا؍ ڈرائیور ز یونین کاپریس کانفرنس

چترال (نمائندہ ڈیلی چترال) تریچ میر ڈرائیور ز یونین کے صدر صابر احمد صابرنے یونین کے سرپرست حاجی غلام محی الدین اور دیگر عہدیداروں اسفندیار خان، حاجی شیر بہادر، زاہد خالق، فضل الرحمن تمنا، اخلاق حسین ، عبدالصمد کی معیت میں ایک پریس کانفرنس سے خطاب کرتے ہوئے کہاکہ لواری ٹنل کو بلاوجہ بند رکھا جارہا ہے جبکہ کام مکمل ہوکر افتتاح بھی ہوچکا ہے اور ٹنل کو ہر وقت ٹرانسپورٹ کے لئے کھلا رکھا جائے بصورت دیگر یونین راست قدم اٹھانے پر مجبور ہوگا۔ انہوں نے دیگر مطالبات پیش کرتے ہوئے پشاور سے چترال آنے والے مسافر انتہائی تکلیف میں ہیں اور قصہ خوانی کے ارد گرد ٹکٹ گھروں میں ڈرائیوروں کو لوٹ لئے جارہے ہیں جس کے لئے حاجی کیمپ کے اندر چترال کے لئے خصوصی اڈا کھولا جائے۔ انہوں نے لواری ٹاپ کو بھی فوری طور پر کھولنے کا مطالبہ کیا تاکہ عوام اور ٹرانسپورٹ بلا رکاوٹ جاری رہے کیونکہ عوام انتہائی تکلیف میں ہیں۔ ڈرائیور یونین کے رہنماؤں نے بائی پاس روڈ اور چترال دروش روڈ پر قائم کیٹ آئیز سے بنی اسپیڈ بریکروں کو ختم کرنے کا بھی مطالبہ کیا کیونکہ انتہائی مہنگی ٹائر ان لوہے کی بریکروں کی وجہ سے خراب ہوتے ہیں۔ ڈرائیور رہنماؤں نے دروش میں تمام غیر قانو نی اڈوں کو بند کرنے کا بھی مطالبہ کیا۔ اس موقع پر تریچ میر ڈرائیورز یونین اور آل فلائنگ کوچ ایسوسی ایشن نے آپس میں یکجہتی کا اعلان کرتے ہوئے اس عزم کا اعادہ کیا کہ وہ ایک دوسرے کا احترام کرتے ہوئے ڈرائیور برادری کی خدمت کرتے رہیں گے۔ حاجی غلام محی الدین نے اسفندیار خان اور صابر احمد صابر کے درمیان اختلافات ختم ہونے اور عدالت میں راضی نامہ کے ذریعے کیس واپس لے کر آپس میں شیر وشکر ہونے پر دونوں کے جذبات کو سراہا۔انہوں نے مزید کہاکہ قاضی جلال کاڈرائیوریونین سے کوئی تعلق نہیں ہے۔

اس خبر پر اپنی رائے کا اظہار کریں