چترال (ڈیلی چترال نیوز) سب ڈویژن مستوج کے ہیڈکواٹربونی میں سونامی شجرکاری کے سلسلے میں محکمہ وائلڈ لائف کے ساتھ کام کر نے والے نگہبانوں نے اپنے نو مہینوں کے تنخواہوں کی عدم ادائیگی کے خلاف حکومت کو دی گئی ڈیڈ لائن کے خاتمے کے بعد احتجاج کا سلسلہ شروع کردیا ہے اور منگل کے روز سے بونی چوک پر احتجاجی دھرنا شروع کردیا ہے۔ احتجاجی نگہبانوں نے مقامی میڈیا کو فون پر بتایاکہ اسسٹنٹ کمشنر نے ان سے وعدہ کے باوجود ان کے تنخواہوں کو ادا نہیں کراسکے جس کی وجہ سے ان کو مجبوراً احتجاج شروع کرنا پڑا۔ ان کا کہنا تھاکہ احتجاج کے دوسرے مرحلے پر وہ تادم مرگ بھوک ہڑتال شروع کریں گے ۔
235