43

عمران خان کے اعلان کردہ سرسبز خوشحال پاکستان شجرکاری پروگرام میں عملی طور پر اور بھرپور شرکت کا فیصلہ

دیر ویلفیئر آرگنائزیشن پشاور نے وزیراعظم عمران خان کے اعلان کردہ سرسبز خوشحال پاکستان شجرکاری پروگرام میں عملی طور پر اور بھرپور شرکت کا فیصلہ کیا ہے آرگنائزیشن کے مرکزی صدر حاجی سلطان یوسف عرف دیرلالاجی کی زیرصدارت کابینہ اجلاس میں قومی خوشحالی پر مبنی اس پروگرام کا خیرمقدم کرتے ہوئے دیگر فلاحی سرگرمیوں کے علاوہ سال بھر شجرکاری مہم جاری رکھنے اور اس مقصد کیلئے اپنے علماء، یوتھ، سٹوڈنٹس، سپورٹس، ایجوکیشن، خواتین اور کلچرل ونگز کو فعال بناکر لوگوں کو گلی محلہ اور پارکوں میں پودے لگانے کی ترغیب دینے اور شجرکاری مہم کو ہر سطح پر کامیاب بنانے کی ہدایت کی گئی نیز اس ضمن میں محکمہ ماحولیات کے علاوہ دیگر سماجی تنظیموں سے قریبی معاونت کا فیصلہ بھی کیا گیا اس موقع پر فلاحی تنظیم کے مرکزی دفتر اعجاز آباد گلبہار نمبر چار میں چیڑ کا پودا لگا کر شجرکاری مہم کا علامتی افتتاح بھی کیا گیا اور ملک و قوم کی ترقی وخوشحالی کے ساتھ ساتھ سرسبز فلاحی پاکستان کا خواب شرمندہ تعبیر بنانے کیلئے اجتماعی دعا مانگی گئی اور اس عزم کا اعادہ کیا گیا کہ درختوں اور پودوں کی اپنے بچوں کی طرح حفاظت کی جائے گی ورنہ سول سوسائٹی کی طرف سے غفلت برتنے پر پاکستان میں گلوبل وارمنگ کا مسئلہ زیادہ گھمبیر بن سکتا ہے۔

Print Friendly, PDF & Email