تازہ ترین
Home >> تازہ ترین >> خیبر پختونخوا حکومت نے سرکاری سکولوں کے اساتذہ کے بچوں کو سرکاری سکولوں میں داخل کرانے کی غرض سے حکمت عملی طے کرلی

خیبر پختونخوا حکومت نے سرکاری سکولوں کے اساتذہ کے بچوں کو سرکاری سکولوں میں داخل کرانے کی غرض سے حکمت عملی طے کرلی

خیبر پختونخوا حکومت نے سرکاری سکولوں کے اساتذہ کے بچوں کو سرکاری سکولوں میں داخل کرانے کی غرض سے حکمت عملی طے کرلی ہے ٗپہلے مرحلے میں ایک اعلیٰ سطحی کمیٹی قائم کی گئی ہے ٗ ڈائریکٹر تعلیمات کو کمیٹی کی سربراہی سونپی گئی ہے ٗذرائع کے مطابق کمیٹی نے حکومتی ہدایات کے پیش نظر صوبے کے تمام اضلاع کے ڈسٹرکٹ ایجوکیشن آفیسرز میل فی میل کو ایک مراسلہ ارسال کیا ہے جن میں ان سے 10دنوں کے اندر تمام سرکاری اساتذہ کی تفصیلات کے ساتھ ان کے بچوں کی معلومات بھی طلب کی ہیں۔ مراسلے میں ڈی ای اوز کو ہدایات کی گئی ہیں کہ وہ اپنے اپنے اضلاع کے سکولوں کے اساتذہ سے ان کے بچوں کے تعلیمی اداروں کی تفصیلات طلب کریں اور پھر ان تفصیلات کو مرتب کرکے ڈائریکٹریٹ ایجوکیشن ارسال کیا جائے اس ضمن میں ڈائریکٹر ایجوکیشن فرید خٹک نے ’’آج ‘‘ کے رابطے پر بتایا کہ حکومت کی ہدایت پر فوری طور پر کمیٹی نے کام شروع کر دیا ہے اور پہلے مرحلے میں اساتذہ کے بچوں کے تعلیمی اداروں کی تفصیلات اکٹھی کی جائیں گے جس کے بعد ان تفصیلات کو ایک ڈیٹا کی شکل دی جائے گی اور بعدازاں حکومت کو بریفنگ دینگے جس کے بعد حکومت کی ہدایت پر مزید اقداما ت اٹھائے جائینگے ۔


error: Content is protected !!