تازہ ترین
Home >> شعروشاعری >> نعت رسول مقبولؐ……زاہد علی نزاری؛ شوتخار تورکھو

نعت رسول مقبولؐ……زاہد علی نزاری؛ شوتخار تورکھو

رب ہر دوجہاں کا ہے ہم پہ کرم

ورنہ تعریف کی ہے کہاں ہم میں دم

نام احمدؐمیرےلب پہ ہےصبح و شام

انؐ پہ لاکھوں کروڑوں درودو سلام

فخر  روح  ایمان  ہے  رسول  خدا

نور  رب  جہان   ہے  رسول  خدا

سرور  ہر زمان  ہے  برائے  دوام

انؐ پہ لاکھوں کروڑوں درودوسلام

انؐ کے خلق عظیم کا ہے حق گواہ

ہم کو انؐ سے ملا معنی لاالہ

نام لیوا جنؐ کےدردو کون نیک نام

انؐ پہ لاکھوں کروڑوں درودوسلام

جنؐ کی برکت سے آب شفا مل گیا

جنؐ کےدم سےہی ہم کو خدا مل گیا

مغز  فرقان  ہے جنؐکا پیارا کلام

انؐ پہ لاکھوں کروڑوں درودوسلام

ہم ہیںعاصی مگروہؐ شفیع،غم نہیں

ناامید از کرم، ہم نہیں، ہم نہیں

جوؐ  کلید امید ہے دل کی مدام

انؐ پہ لاکھوں کروڑوں درودوسلام

بر نزاری کرم  کن، اے ابر کرم!

توی شاہانام وغلامت منم

من بخواہم بخوانم سلامت مدام

انؐ پہ لاکھوں کروڑوں درودوسلام


error: Content is protected !!