چترال بائیکرز اور چپس چترال کی مشترکہ کوششوں سے بائیکس آج بونی سے گوادر روانہ ہوگئے

بونی (سرفراز شاہد سے)چترال بائیکرز اور چپس چترال کی مشترکہ کوششوں سے چیرمین چپس رحمت علی اور چترال بائکرز چیرمین اکرام اللہ نے Save Chitral Save Pakistan کا مشن لیکر آج صبح بونی سے گوادر روانہ ہوگئے۔ میڈیا سے گفتگو میں ان کا کہنا تھا کہ اتنی سخت موسم میں ہمارا مقصد یہی ہے کہ پاکستان کو 27فیصد پانی چترال سے ملتا ہے۔ یہاں گلیشئیرز کو بچانا ہے۔ پانی ہماری زندگی میں ایک نعمت ہے اس کی قدر کرنا ہے۔ہمارا مقصد امن ہے کیونکہ چترال امن کا گہوارہ ہے۔ اس ریلی کے ذریعے ہم دنیا کو امن کا پیغام دینا چاہتے ہیں۔ اس ریلی کو کامیاب بنانے کیلئے نوجوان والنٹئیرز سرکاری افسران کا شکریہ ادا کرتے ہیں۔ یا د رہے کہ کسی بھی ادارے کا ہمارے ساتھ مالی معاونت نہیں ہے۔ ہم رضاکارانہ جذبے کے تحت یہ مشن لیکر روانہ ہورہے ہیں۔