مہ بہشٹ شوتخار……..زاہد علی نزاری شوتخار

لوڑورشوتخرو،کیچہجنتو گلستان

یہ زندگیو اوچہ وحدتو گلستان!

لویری ہمی کان قدرتوحسنوشاہکار

وےلوومی اشجارروپھی قطاراندرقطار

تہ ہارکونہگلدان،وہ تہ مرکھزدل گلدان

تہ  ہار ذرہ ہیروتے گوے برادر کلان

روشتی تومہ غیچھان،تہ خشبومہ ہمسفار

مہ محل عالیشان، شوتخار مہر آبدار

مہ غیچ تہ پوشی روشت، مہ ہردیئی چھیرکسیر

اللہو سار امید تہ غیچ نورو وا دی پشیر

اے  گوش بیقرار، ہوتم چشم انتظار

اے چست گل صد برگ،اے نسیم مشکبار

اے باد صبا، کوس دیرو پیغام تہ ہوستہ شیر

گوین مہ غیچی مہ دیہو گلفام تہ ہوستہ شیر

ہمیشہ تو لوڑے قدرتو حسنو دبدبو

ہردیو ژنگیاک جادوگار حسن دلربو

پلوغوچین ژوڑی، وہ ہمی دروچ اوچے برموغ

تہ ٹونگوچین تہ مراچوچ  گلاسوچ  گرواڑوغ

گلشن تو مہ ہردیو، مہ جگار تہ پروانہ

تو لغل بدخشان، مہ بچین قلب دردانہ

کوکب تو مہ حیاتو، توفطرتوای شہکار

ای وادی مہوش، وہ ای عروس پردہ دار

اللہو نشانی تہ مژہ، مرکز آفاق!

صد شکر خداوند، اسم پاک اوست رزاق

زاہدے مو دونے کہ تہ وسوس کوروے مہ یاد

تہ جگران کھباب، ژنو تھس نس کوروے صیاد

Print Friendly, PDF & Email