173

وزیر اعلی خیبر پختونخوا محمود خان اور صوبائی حکومت سے چترال کے مسائل پر توجہ دیں ایم این

چترال ( محکم الدین ) ممبر قومی اسمبلی چترال مولانا عبدالاکبر چترالی نے وزیر اعلی خیبر پختونخوا محمود خان اور صوبائی حکومت سے چترال کے مسائل پر توجہ دینے اور فوری طور پر حل کرنے کا مطالبہ کیا ہے ۔ چترال پریس کلب میں جمعرات کے روز امیر جماعت اسلامی مولانا جمشید احمد ، مہتر جو عبدالقادر ،سابق ناظم شمشیر خان و ذاکر حسین کی معیت میں ایک پریس کانفرنس سے خطاب کرتے ہوئے انہوں نے کہا ۔ کہ گولین سیلاب کے نتیجے میں تمام آبی ذراءع دریا برد ہونے کی بنا پر گاءوں موری پائین ، کوغذی ، برغوزی اور اطراف کے دیہات سمیت چترال ٹاون کے لوگ پانی کی نایابی کے باعث شدید مشکلات سے دوچار ہیں ۔ اور نہری نظام کی تباہی سے علاقوں کی تمام فصلیں ، پھلدار درخت اور جنگلات مکمل طور پر سوکھ گئے ہیں ۔ اور لوگ ہجرت کرنے پر مجبور ہو گئے ہیں ۔ اس لئے حکومت اس علاقے کو آفت زدہ قرار دے کر فوری طور پر آبنوشی اور آبپاشی سکیموں کی بحالی کیلئے فنڈ جاری کرے ۔ انہوں نے کہا ۔ کہ مروجہ طریقہ کار کے تحت فنڈ ریلیز ہونے میں ایک سال کا عرصہ اور لگ سکتا ہے ۔ ایسے میں رہی سہی درختیں اور جنگلات بھی ختم ہو جائیں گی ۔ حکومت بلین ٹری سونامی کے نام سے نئی شجر کاری پر اربوں روپے خرچ کر رہی ہے ۔ اور یہاں پہلے سے موجود باغات و جنگلات ختم ہو رہے ہیں ۔ جن پر کوئی توجہ نہیں دی جارہی ۔ ایم این اے نے کہا ۔ کہ چترال میں مریضوں کی تعداد دن بدن بڑھ رہی ہے ۔ لیکن ڈسٹرکٹ ہیڈ کوارٹر ہسپتال چترال ، ٹی ایچ کیو بونی ، دروش ، آر ایچ سی ایون ، آرندو ، وریجون موڑکہو میں ڈاکٹروں بالخصوص لیڈی ڈاکٹروں کی شدید کمی ہے ۔ اور محکمہ ہیلتھ چترال کے مطابق میڈیکل آفیسرز کی 97 میں سے 72اور وومن میڈیکل آفیسر ز کی 12آسامیوں میں سے 11خالی ہیں ۔ اور موجود ڈاکٹروں پر مریضوں کا اتنا دباءو ہے ۔ کہ صحیح طور پر تشخیص کی راہ میں مشکلات پیش آرہی ہیں ۔ اس لئے فوری طور پر ڈاکٹر تعیناتی کے احکامات صادر کئے جائیں ۔ انہوں نے چترال میں زیر تعمیر پُلوں کیلئے فنڈ ز ریلیز کرنے کا مطالبہ کیا اور کہا ۔ کہ ایون ، بروز ، پوکیڑ ، اویر ، کوشٹ ، موژگول پُلیں فنڈ نہ ہونے کی وجہ سے کام رکے ہوئے ہیں ۔ جس کی وجہ سے عوام کو شدید مشکلات کا سامنا ہے ۔ مولانا چترالی نے نئے ضلع اپر چترال کے مختلف اداروں کے ہیڈز کی اپنے متعلقہ تحصیلوں کی بجائے بونی میں قیام کرکے عوامی کاموں سے پہلو تہی کرنے پر افسوس کا اظہار کیا ۔ اورعوام کے مسائل حل کرنے کیلئے اُنہیں اپنے مقام پر حاضری کو یقینی بنانے کا مطالبہ کیا ۔ ایم این اے نے بونی بوزوند روڈ کی تعمیر میں سست روی کو ناقابل قبول قرار دیا ۔ اور محکمہ سی اینڈ ڈبلیو سے کام میں سستی کی وجوہات معلوم کرنے اور کام کی رفتار تیز کرنے کا مطالبہ کیا ۔ ممبر قومی اسمبلی نے لواری ٹنل چترال سائیڈ پر اپروچ روڈ کی تعمیر کو غیر تسلی بخش قرار دیا ۔ اور کام کو معیاری بنانے و تیز کرنے کیلئے این ایچ اے سے اپیل کی ۔ انہوں نے کہا ۔ کہ ایون ، بروز ، بمبوریت روڈ کا پی سی ون تیار ہو چکا ہے ، بہت جلد کام کا آغازکیا جائے گا ۔ اسی چترال بونی , بونی مستوج روڈ پر بھی کام جاری ہے . انہوں نے وزیر اعلی محمود خان سے چترال کے مسائل حل کرنے کے سلسلے میں خصوصی توجہ دینے کی اپیل کی ۔ ایم این اے نے کہا ۔ کہ دو ارب 92کروڑ روپے کے فنڈ سے ضلع کے مختلف علاقوں میں ٹرانسمیشن لائن و دیگر ضروریات پوری کی جائیں گی ۔

اس خبر پر اپنی رائے کا اظہار کریں