38

ضلعی انتظامیہ کی طرف سے ایون درخناندہ کے آگ سے متاثرہ دو بھائیوں میں امدادی سامان تقسیم

چترال / گذشتہ رات ایون کے مقام درخناندہ میں بجلی کے شارٹ سرکٹ کی وجہ سے آگ لگنے سے دو بھائیوں کے گھروں کو اپنی لپیٹ میں لیا تھا جس کی وجہ سے اُن کا بہت بڑا نقصان ہوا تھا۔ ڈی سی چترال نوید احمد کی ہدایات پرضلعی انتظامیہ چترال کی طرف سے متاثرین میں ہفتہ کے روز اسسٹنٹ کمشنر چترال عبدالولی خان نے امدادی سامان تقسیم کیے۔ امدادی سامان میں ٹینٹ،سلینڈر،رضائیاں،چھٹائیاں،کولراور دیگر سامان شامل تھے۔اے سی چترال نے ضلع انتظامیہ کی طرف سے متاثرین کے ساتھ ہمدردی کا اظہار کرتے ہوئے واقعے پر انتہائی دکھ اور غم کا اظہار کیا۔اُنہوں نے اسطرح کے واقعات سے نمٹنے کے لئے ضلعی انتظامیہ کی طرف سے ایون میں فائر بریگیڈ کی فراہمی کے لئے اعلیٰ حکام کی نوٹس میں لانے کی بھی یقین دہانی کی۔
Print Friendly, PDF & Email