عوامی نیشنل پارٹی کے صوبائی نائب صدر خدیجہ بی بی کی کوششو ں سے بیوہ خاتون کی مکان کےلئے، الخدمت فاؤنڈیشن کی طرف سے خصوصی امداد

چترال (نامہ نگار) عوامی نیشنل پارٹی کے صوبائی نائب صدر خدیجہ بی بی کی کوششوں اور الخدمت فاؤنڈیشن کے خصوصی تعاؤن سے دروش میں ایک بیوہ اور غریب خاتون کے لئے چھوٹے مکان کی تعمیر شروع کی گئی جوکہ 2016ء کے قیامت خیز زلزلے میں مہندم ہوگئی تھی۔ اس موقع پر خدیجہ بی بی کی دعوت پر مقامی سیاسی و سماجی شخصیات اے این پی کے سابق صدر سید مظفر جان، قاری جمال عبدالناصر، الخدمت فاؤنڈیشن دروش کے صدر انجینئر امیر شریف اور مولانا نقیب اللہ، اے این پی کے صوبائی کونسل کے اراکین سید مسرت جان اور سید عباس جان،اے این پی کے سنیئر راہنما سید عابد حسین جان،اے این پی تحصیل دروش کے نائب صدر غلام احمد،صلاح الدین طوفان اور ریٹائرڈ انسپکٹر سعیداللہ موجود تھے۔ شمس آباد دروش کے رہائشی یہ بیوہ خاتون چار افراد کے افراد کے ساتھ گزشتہ چار سالوں سے کھنڈر نما گھر میں رہنے پر مجبور تھی جوکہ کسی بھی وقت گرسکتی تھی۔ اے این پی کی خاتون راہنماء خدیجہ کی کوششوں سے اب اس مخدوش عمارت کوگرا کر ایک چھوٹا سے مکان تعمیر کیا جارہا ہے۔ میڈیا سے گفتگو کرتے ہوئے خدیجہ بی بی نے بتایا کہ اس گھر میں کوئی بھی مرد نہیں، ایک بیوہ خاتون، اسکی بیٹی جو خود بھی بیوہ ہیں اور انکی دو بیٹیاں رہائش پذیر ہیں مگر اس گھر حالت بہت ہی خراب تھی، کسی بھی وقت مکینوں پر گرنے کا خدشہ تھا۔ انہوں نے بتایا کہ اب یہ خراب عمارت گرا کر یہاں پر ایک بڑا ہال، کیچن اور اسٹور تعمیر کیا جائیگا اور عید سے قبل یہ مکمل ہوگا۔ انہوں نے کہا کہ میں نے توصرف اس میں پہل کی ہے مگر یہ سارا کام مخیر حضرات کے تعاؤن سے مکمل کیا جائے گا۔ انہوں نے خصوصی طور الخدمت فاؤنڈیشن دروش کا شکریہ ادا کیا کہ الخدمت فاؤنڈیشن نے اس مجبور اور بے سہارا خاتون کے مکان کی تعمیرنو کیلئے سیمنٹ کی خریداری کے لئے کیش امداد فراہم کیا۔ انہوں نے کہا کہ الخدمت فاؤنڈیشن بغیر کسی تفریق کے غریب اور ضرورتمند لوگوں کی جو خدمت کر رہا ہے اس پر میں الخدمت فاؤنڈیشن کو خراج تحسین پیش کرتی ہوں۔ انہوں نے کہا کہ اے این پی کے رضاکار منظور اور فرازو دیگر بلامعاوضہ لیبر کاکام کرینگے جبکہ اے این پی کے سنیئر راہنماؤں کی طرف سے تعاؤن کیا گیا ہے۔
میڈیا سے گفتگو کرتے الخدمت فاؤنڈیشن تحصیل دروش کے صدر امیر شریف اور مولانا نقیب اللہ نے کہا کہ الخدمت فاؤنڈیشن غریب اور بے سہارا لوگوں کی خدمت کیلئے سرگرم ہے اور ممکن حد تک تعاؤن کر رہے ہیں۔ فی الحال اس مکان کی تعمیر کے لئے سیمنٹ کی خریداری کے لئے الخدمت فاؤنڈیشن نقد رقم مہیا کر رہی ہے، بعد میں بھی انکے ساتھ تعاؤن کرنے کی کوشش کی جائے۔
اس موقع پر انہوں نے ڈپٹی کمشنر چترال سے مطالبہ کیا کہ ان غریب اور بے سہارا خواتین کو خصوصی امداد مالی امداد فراہم کیا جائے کیونکہ چند سال قبل زلزلہ سے انکا گھر بری طرح متاثر ہونے کے باجود انہیں حکومتی امداد نہیں ملی۔
اس موقع پر دروش کے سوشل ورکر محمد عباس نے اپنی تنظیم کی طرف سے مذکورہ خاندان کے لئے ایک مہینے کے راشن فراہم کرنے کی ذمہ داری لے لیا۔
بعد ازاں عمائدین کی معیت میں الخدمت فاؤنڈیشن کے ذمہ داران نے تعمیراتی کام آغاز کروادیا۔ عمائدین نے اس کارخیر کے لئے کوششیں کرنے پر خدیجہ کا شکریہ ادا کیا اور خاص کر الخدمت فاؤنڈیشن کو خراج تحسین پیش کیا کہ مصیبت کی گھڑی میں غریبوں کا سہارا بن کر یہ ادارہ ہر ایک جگہ پر پہنچ جاتی ہے۔