96

دروش کے عوام نے اپنی دی گئی ڈیٹ لائن کے مطابق بدھ کی صبح سے شٹر ڈاون ہڑتال کرکے چترال پشاور روڈ بند کردی

چترال(نمائندہ ڈیلی چترال)دروش کے عوام نے اپنی دی گئی ڈیٹ لائن کے مطابق آج بدھ کی صبح سے شٹر ڈاون ہڑتال کرکے چترال پشاور روڈ بند کردی ہے مظاہرین نے شیشی پل سے لے کر دروش بازار کے آخر تک مین روڈ پررکاوٹیں کھڑی کردی ہیں اور ہر قسم کی ٹریفک کے لئے روڈبند ہے ۔ مظاہرین کا مطالبہ ہے کہ شیشی پاور ہاؤس میں بڑے پیمانے پر ہونے والے کرپشن کی انکوائری کیجائے، بجلی گھر کے سب انجنےئر ابرار کو فوری طور پر تبدیل کیاجائے اور بجلی کے لئے نظام الاوقات مقرر کرکے تحریری طور پر عوام کی یقین دہانی کرائی جائے نیز نیشنل گرڈ کی بجلی کی ولٹیج کی کمی کو دور کیا جائے ۔ دھرنا کمیٹی کے چیرمین قاری انعام الحق ، سابق ناظم عبدالباری ، صدر تجار یونین دروش شانادر ، صدر ڈرائیور یونین ممتاز علی جان ، امیر جماعت اسلامی دروش محمد عالم ، محمودلال ، فداء الرحمن ، پروفیسر سید توفیق جان ، حاجی انظرگُل ،وی سی ناظم دروش عمران الملک دروش چوک میں جمع ہوکر احتجاج اور شٹر ڈاؤن ہڑتال کی قیادت کر رہے ہیں ۔ ہڑتال کے نتیجے میں روڈ کی بندش سے چترال سے پشاور اورپشاور سے چترال آنے والے سینکڑوں مسافر گاڑیاں پھنس کررہ گئی ہیں اور Drosh 5(2)مسافروں کو شدید مشکلات کاسامنا ہے ۔پھنسی ہوئی گاڑیوں میں شندور فیسٹول میں ڈیوٹی کی غرض سے آنے والے سر کاری اہلکار،پو لیس اور فوجی بھی شامل ہیں، جبکہ بڑے پیمانے پر سیاح بھی روڈ بند ہونے سے مشکلات کا شکار ہیں ۔ میڈیاسے خصوصی بات چیت کرتے ہوئے احتجاج اور دھرنا کمیٹی کے چیر مین و ممبر دسٹرکٹ کونسل قاری انعام الحق نے کہا ۔ کہ اُن کا شٹرڈاون ہڑتال انتہائی کامیاب رہا ۔ اور ہزاروں کی تعداد میں لوگ سڑکوں پر نکل آئے ہیں ۔ بازاروں میں سبزی کی دکان اور ہوٹلوں کے علاوہ تمام دکانیں مکمل طور پر بند ہیں ۔ ایمبولینس کے علاوہ کسی بھی گاڑی کو گزرنے کی اجازت نہیں ہے ۔ آرمی کے پانچ گاڑیوں کو بھی روکا گیا ہے ۔ اور عوام کا ٹھاٹھیں مارتاہوا سمندر سڑکوں پر ہے ۔ ہوٹلوں نے مظاہریں کو رعایتی قیمت پر کھانا مہیا کرنے کا اعلان کیا ہے ۔ جبکہ شام کے کھانے کیلئے دیگیں چڑھانے کا انتظام موجود ہے ۔ انہوں نے کہا ، کہ کمانڈنٹ چترال سکاؤٹس ، شہزادہ خالد پرویز ، سلیم خان کے ساتھ بات چیت کامیاب نہ ہو سکی ۔ جبکہ ضلع ناظم اور ڈپٹی کمشنر نے بات چیت کی پیشکش کی ہے ۔

اس خبر پر اپنی رائے کا اظہار کریں

اپنا تبصرہ بھیجیں