کمانڈنٹ چترال سکاؤٹس دروش شہداء کی فاتحہ خوانی کیلئے دروش گئے

چترال(نمائندہ ڈیلی چترال) کمانڈنٹ چترال سکاؤٹس کرنل نظام الدین شاہ اتوار کے روزفاتح خوانی کے لئے دروش گئے۔دروش کے شاہ نگار میں عائشہ عثمان شہید دختر عثمان کے گھر گئے،فاتحہ خوانی کی اورلواحقین کے ساتھ دلی ہمدردی کا اظہار کیا۔اس کے بعد تحصیل دروش ہی کے گاؤں لنگہ میں حیدر کے گھر گئے جن کے دو بہنیں جہاز حادثے میں شہیدہوئے تھے سے اظہار ہمدردی کا اظہار کیا اورشہداء کے ایصال وثواب کے لئے دعا کی۔کرنل نظام الدین شاہ لواری ٹنل بھی گئے جہاں مسافروں سے ملے، چترال سکاؤٹس اور پاک آرمی کی طرف سے ہر قسم کی تعاون کی یقین دہانی کی۔اُنہوں نے کہا کہ جی او سی ملاکنڈ ڈویژن آصف غفور کی ہدایت پر مسافروں کو ہرقسم کی سہولیات دینے کی بھرپور کوشش جاری ہے۔اور ہم چترالی بھائیوں کی ہرقسم کے مسائل حل کرنے میں اپنا بھرپور کردار ادا کرینگے۔