گورنر گلگت بلتستان راجہ جلال کا مستعفی ہونے کا فیصلہ
ایڈیٹر انچیف
گورنر گلگت بلتستان راجہ جلال حسین مقپون نے عہدے سے مستعفی ہونیکافیصلہ کرلیا وہ اپنا استعفیٰ شہبازشریف کے وزیراعظم بنتے ہی پیش کریں گے انہیں پارٹی چیئرمین عمران خان نے عہدے سے مستعفی ہونے کی واضح ہدایت کردی ہے انہوں نے عمران خان کو یقین دلایاہے کہ وہ حکم عدولی نہیں کریں گے ذمہ دارذرائع نے بتایاہے کہ نئے وزیر اعظم کے انتخاب کے فوراً بعد گورنر گلگت بلتستان راجہ جلال حسین مقپون مستعفی ہونگے گورنر گلگت بلتستان راجہ جلال حسین مقپون نے 30 ستمبر 2018 کو حلف اٹھایاوہ تین سال 6 ماہ سے گورنرکے عہدے پرفائز ہیں ذرائع نے بتایاہے کہ مسلم لیگ ن کے ساتھ راجہ جلال کے معاملات طے ہونیکی صورت میں وہ گورنر کے عہدے پر برقراررہ سکتے ہیں گورنر کے بھائی راجہ جعفرعلی خان سے مسلم لیگ ن کے اہم لوگوں سے گہرے مراسم ہیں وہ گورنر اورمسلم لیگی عہدیداروں کے درمیان رابطے کیلئے پل کاکردار ادا کررہے ہیں تاہم مسلم لیگ ن کے عہدیداروں کیساتھ گورنر کے بھائی کی ہونے والی ملاقاتوں میں تاحال کسی قسم کی مثبت پیش رفت سامنے نہیں آئی ہے یوں وہ پیر کے رو زتک اپنے عہدے سے مستعفی ہوں گے۔