چترال(نمائندہ )جے یوآئی ضلع لوئر چترال کے جنرل سیکرٹری حافظ انعام میمن کے خلاف عدم اعتماد کی تحریک کے لئے دستخطی مہم شروع ہوگئی ہے۔جس میں مجلس عمومی کے ارکان سے دستخط حاصل کئے جارہے ہیں۔
پارٹی کے ایک سینئر رہنما نے رازداری کے شرط پر بتایا کہ جمعیت علما ء اسلام کے دستور کے مطابق 125ارکان سے دستخط حاصل کرنے کے بعد عدم اعتماد کی درخواست صوبائی نظم کو بھیجدی جائیگی جوکہ مزید کارروائی کا مجاز ہے۔اُنہوں نے بتایا کہ حافظ انعام میمن کے خلاف چارج شیٹ میں ایم پی اے مولانا ہدایت الرحمن کا ڈی سی لوئر چترال کے ساتھ متنازعہ گفتگو ریکارڈ کرکے سوشل میڈیا میں وائرل کرنے سمیت دوسرے الزامات شامل ہیں۔