ڈپٹی کمشنرآفس جنگ بازار لوئر چترال میں مئی 2023 میں ہونے والی پولیو مہم کے حوالے سے ڈسٹرکٹ پولیو ایریڈیکشن کمیٹی (DPEC) کا اجلاس
ڈپٹی کمشنرآفس جنگ بازار لوئر چترال میں مئی 2023 میں ہونے والی پولیو مہم کے حوالے سے ڈسٹرکٹ پولیو ایریڈیکشن کمیٹی (DPEC) کا اجلاس منعقد ہوا۔اجلاس میں ڈی۔پی۔او لوئر چترال, ڈپٹی کمشنر ,اسسٹنٹ کمشنرز ,ڈی ایچ او چترال,کوارڈینیٹر EPI اور دوسرے اداروں کے سربراہان نے شرکت کی۔ پولیو مہم کے حوالے سے تیاریوں پر افسران کو تفصیلی بریفنگ دی گئی۔
ڈی۔پی۔او اور ڈپٹی کمشنر نے کہا کہ وہ ذاتی طور پر اس مہم کی نگرانی کریں گے اور تمام انتظامی مشینری سرگرمیوں کی نگرانی کے لیے فیلڈ میں مصروف رہیں گے۔کیونکہ پولیو سے پاک چترال ان کی ترجیحات میں سے ایک ہے۔ انہوں نے مائیکرو پلانز کی تیاری، توثیق (ڈیسک اور فیلڈ) اور اعداد و شمار کی جوابی توثیق پر زور دیا اور کہا کہ ٹیم کے تمام اراکین کو آپریشنل سیل نمبرز کو یقینی بنانا ہوگا۔ یہ قومی مفاد کی مہم ہے اور اس میں کسی قسم کی سستی برداشت نہیں کی جائے گی اور اس مہم کو کامیاب بنانے کے لیے ہم سب کو متحد ہونے کی ضرورت ہے۔
