﴾ صدقہ حسینؓ﴿۔۔۔۔۔ تحریر؛ شہزادہ مبشرالملک

دردو سفر ای کتاب صدقہ حسین ؓ تو
ُو غولٹ عشقو شراب صدقہ حسینؓ تُو
مہ ہردیو یہ صحرا غیری کربلا ریران
کو کی ہامو دی سیراب صدقہ حسینؓ تُو
اصغر ؓ و اکبرؓ سید ، عباسؓ دی سردار ما
حُرؓو غون دیت انقلاب صدقہ حسینؓ تُو
یزدیت چھور وسکی ہانون پڑغچھیشر مہ
کو میتان خانو خراب صدقہ حسینؓ تُو
کربلا و تا نجف اوا لیی کڑی بو غام
انجناب بو تراب ؓ صدقہ حسینؓ توُ
اوا دی تھُسرنی یا بام ، مہ جگر دی کرُوچ بانی
مت مو دیت قطرہ آب صدقہ حسینؓ توُ
” حضرت ©©“ تہ نامو گناو بزمیر دینو دی تہ
کو ہمتان بے حجاب صدقہ حسینؓ توُ
ہایا حقو خوشدورکان قافلہ حسینو ؓ تان
دی کو میتان کامیاب صدقہ حسینؓ توُ
مہ سلامان سوم درود بپیش آقا ﷺ بوا
دی غیرا وئے کی گلاب صدقہ حسینؓ توُ
مبشر عطا ریمان ، صدقہ زہرا ؓ ریمان
کو مہ دُعاں مستجاب صدقہ حسینؓ توُ