چترال(نامہ نگار)نوتعینات ڈی۔پی۔او لوئر چترال اکرام اللہ خان نے اپنے عہدے کا چارج سنبھال لیا۔ڈی۔پی۔او آفس بلچ لوئر چترال پہنچنے پر ڈی۔ایس۔پی ہیڈ کوارٹرز احمد عیسی اور دیگر پولیس افسران نے استقبال کیا۔ڈی۔پی۔او اکرام اللہ خان نے یادگار شہداء پر حاضری دی، پھول چڑھائے اور شہداء کی درجات کی بلندی کے لیے دعا کی۔لوئر چترال پولیس کے چاق وچوبند دستے نے ڈی۔پی۔او اکرام اللہ خان کو سلامی پیش کی.اس موقع پرانہوں نے کہاکہ شہداء کی قربانیاں لازوال ہیں،جنہیں ہمیشہ یاد رکھا جائے گا، شہریوں کی جان ومال کی حفاظت اور جرائم کی بیخ کنی اولین ترجیح ہوگی، ڈی۔ پی۔او اکرام اللہ خان شہریوں کی سہولت کے لیے سروس ڈیلیوری کو مزید بہتر بنائیں گے اورشہریوں کی شکایات کا بروقت ازالہ میری اولین ترجیحات میں شامل ہیں، آئی۔جی۔خیبرپختونخوا کے ویژن اور ار۔پی۔او ملاکنڈ کے خصوصی احکامات پر لوئر چترال پولیس کی کارکردگی اور سروس ڈیلیوری کو مزید بہتر بنایا جائے گا۔
