تازہ ترین
پرائم منسٹر یوتھ پروگرام کے تحت یونیورسٹی آف چترال میں لیپ ٹاپ تقسیم کرنے کی تقریب 12 دسمبر کو منعقد ہوگی/حفیظ اللہ

چترال(چ،پ) پرائم منسٹر یوتھ پروگرام کے تحت یونیورسٹی آف چترال میں طلبہ میں لیپ ٹاپ تقسیم کرنے کی تقریب 12 دسمبر کو منعقد ہوگی۔
اس حوالے سے پرائم منسٹر یوتھ پروگرام ضلع چترال کے کوآرڈنیٹر حفیظ اللہ کی جانب سے میڈیا کو جاری کئے گئے ایک پریس نوٹ میں کہا گیا ہے کہ اس تقریب میں پرائم منسٹر یوتھ پروگرام کے تحت مستحق اور اہل طلباء و طالبات میں لیپ ٹاپ تقسیم کیے جائیں گے۔
یہ پروگرام حکومتِ پاکستان کی جانب سے نوجوانوں کی تعلیم، تحقیق اور ٹیکنالوجی کے فروغ کے لیے شروع کیا گیا ہے جس کا مقصد طلبہ کو جدید تعلیمی سہولیات فراہم کرنا ہے تاکہ وہ بہتر طریقے سے اپنی تعلیم جاری رکھ سکیں اور ملک کی ترقی میں عملی کردار ادا کر سکیں۔



