تازہ ترین
Home >> تازہ ترین >> ریشن میں کسی بھی قسم کی کشیدہ صورت حال کی ذمہ داری ایکسین پبلک ہیلتھ انجینئرنگ چترال ڈویژن پر عائد ہوگی؍عمائیدین ریشن
Qashqar Lab

ریشن میں کسی بھی قسم کی کشیدہ صورت حال کی ذمہ داری ایکسین پبلک ہیلتھ انجینئرنگ چترال ڈویژن پر عائد ہوگی؍عمائیدین ریشن

چترال (نمائندہ ڈیلی چترال) ریشن گاؤں کے عمائیدین نے ایک قرارداد کے ذریعے حکومت سے اپیل کی ہے کہ ان کی مرضی کے بغیر ریشن نالہ سے سب ڈویژن چترال کے دیہات شاچار اور جگومی کو پانی  دینے کے لئے پبلک ہیلتھ انجینئرنگ کی واٹر سپلائی پراجیکٹ کا نوٹس لیا جائے جوکہ علاقے میں کشیدگی پھیلانے کا باعث بن سکتا ہے کیونکہ ریشن نالہ کا زائد پانی خود اس علاقے کی ضروریات کو پورا کرنے کے لئے بھی ناکافی ہے۔ کپٹن (ریٹائرڈ ) میربہادر کی صدارت میں منعقدہ اجلاس میں متفقہ قرار داد اس بات پر شدید تشویش کا اظہار کیا گیاکہ ان دیہات کو ریشن نالہ کا پانی دینے کی صورت میں دومقامی بجلی گھروں کی بندش کے خطرے کا سامنا ہوگاجبکہ گاؤں کے کئی غیرآباد اور بنجر اراضی بھی دائمی طور پر غیر آباد رہیں گے جن میں نیواراغ، پراغ لشٹ، کوڑوم شغور اور کاموٹی شامل ہیں۔ قرارداد میں مزید کہا گیا ہے کہ پبلک ہیلتھ انجینئرنگ کو ایسے مقام پر واٹر سپلائی پراجیکٹ شروع کرنے کا ہرگز مجاز نہیں ہے جہاں غیر متنازعہ پانی کا ذریعہ موجود نہ ہو۔ حاضریں نے کہاکہ محکمے کے افسران متنازعہ منصوبے میں اپنا کمیشن بٹورنے کے لئے ریشن کا پانی دوردراز دیہات کو ہرگز نہیں دے سکتے اور علاقے میں کسی بھی قسم کی کشیدہ صورت حال کی ذمہ داری ایکسین پبلک ہیلتھ انجینئرنگ چترال ڈویژن پر عائد ہوگی۔اس موقع پرنورعالم خان ،شاہ نادر،اکبرخان،عبدالرب،محمدعلی ،آمیراللہ اورعوام کثیرتعدادپرموجودتھے۔

error: Content is protected !!