خیبر پختونخوا کی 10 رکنی نگران کابینہ نے حلف اٹھا لیا ہے۔ گورنر خیبرپختونخوا انجینئراقبال ظفرجھگڑا نے جمعرات کے روز گورنر ہاؤس پشاور میں نگران صوبائی وزراء سے حلف لیا۔حلف برداری کی تقریب گورنرہاوس پشاورکے جرگہ ہال میں منعقد ہوئی۔ تقریب میں نگران وزیراعلی جسٹس(ر) دوست محمد خان ، سابق وزراء، وکلاء، اعلی سول حکام اورعمائدین کی بڑی تعداد نے شرکت کی۔ حلف لینے والوں میں حاجی فضل الہی، اکبر جان مروت، محمد رشید خان، ڈاکٹرسائرہ صفدر، مقدس اللہ، عبدالرؤف خان، محمد ثناء اللہ، ظفر اقبال بنگش، انوارالحق اور جسٹس (ر) اسداللہ خان چمکنی شامل تھے۔
212