شندور پولو فیسٹیول کی تیاریوں کی نگرانی خود کررہا ہوں فیسٹیول کو کامیاب بنانے کے لئے کوئی دقیقہ فروگزاشت نہیں کیا جائیگا /عاطف خان

پشاور(نامہ نگار)فیسٹول کو کامیاب بنانے اور عالمی سطح پر اجاگر کرنے کے لئے کوئی دقیقہ فروگزاشت نہیں کیا جائیگا۔عاطف خان۔خیبر پختونخوا کے سینئر وزیر برائے سیاحت وکھیل عاطف خان نے کہا کہ میں خود شندور پولو فیسٹیول کی تیاریوں کی نگرانی کررہا ہوں فیسٹیول کو کامیاب بنانے کے لئے کوئی دقیقہ فروگزاشت نہیں کیا جائیگا۔ فیسٹیول کو اس بار پورے جوش وخروش کیساتھ منایا جائیگا۔انہوں نے محکمہ سیاحت کے حکام کو فیسٹیول کے لئے تمام تر تیاریاں مکمل کرنے کی ہدایت کی ہے۔وہ شندور پولو فیسٹیول کے حوالے سے ٹورازم کارپوریشن میں جائزہ اجلاس کی صدارت کررہے تھے۔اس موقع پر سیکرٹری ٹورازم کامران رحمان،منیجنگ ڈائریکٹر ٹورازم جنید خان،جنرل منیجر علی سید سمیت دیگر حکام بھی موجود تھے۔اجلاس میں فیسٹول کے لئے تمام تر تیاریوں کا بغور جائزہ لیا گیا۔محکمہ سیاحت کے حکام نے سینئر وزیر کو تمام تر تیاریوں کے بارے میں تفصیلی بریفنگ دی۔سینئر وزیر نے کہا کہ فیسٹول کو کامیابی سے منعقد کرنے کے لئے باہمی روابط یقینی بنائے جائیں۔شندور فیسٹول عالمی معیار کا ایونٹ ہے جسے عالمی سطح پر اجاگر کیا جائیگا۔سینئر وزیر نے چترال کی ضلعی انتظامیہ کو بھی تمام تر تیاریاں مکمل کرنے کی ہدایت کرتے ہوئے کہا ہے کہ ایونٹ کے انعقاد تک مجھے لمحہ بہ لمحہ باخبر رکھا جائے انہوں کے کہا کہ میں خود فیسٹول کی نگرانی کروں گا کسی قسم کی کوتاہی برداشت نہیں کی جائیگی۔انہوں نے کہا کہ اس سال زیادہ سے زیادہ سیاحوں کو شندور فیسٹول کے لئے راغب کیا جائیگا اور سیاحوں کو تمام تر سہولیات فراہم کی جائیگی۔اجلاس میں سینئر وزیر کو موبائل ایپ اور ٹورازم لوگو کے بارے میں بھی تفصیلی بریفنگ دی گئی۔موبائل ایپ کا افتتاح کل پشاور کے نجی ہوٹل میں کیا جائیگا۔سینئر وزیر کو بتایا گیا کہ موبائل ایپ کے لئے تمام تر تیاریاں مکمل کرلی گئی ہیں۔موبائل ایپ کے ذریعے سیاح گھر بیٹھے کر صرف ایک کلک کے ذریعے تمام سیاحتی مقامات کے بارے میں آگاہی حاصل کرسکیں گے۔

Print Friendly, PDF & Email