69

لیفٹیننٹ جنرل (ر) محمد عالم خٹک خیبرپختونخوا کے نئے گورنرمقرر

اسلام آباد(ویب ڈیسک)وزیراعظم نواز شریف نے سیکرٹری دفاع لیفٹیننٹ جنرل ریٹائرڈ عالم خٹک کو خیبرپختونخوا کا نیا گورنر بنائے جانے کی سمری پر دستخط کردیئے۔میڈیا رپورٹس کے مطابق وزیراعظم نواز شریف نے لیفٹیننٹ جنرل ریٹائرڈ عالم خٹک کو خیبر پختو نخوا کا نیا گورنر مقرر کرنے کی سمری پر دستخط کردیئے جس کے بعد وہ چارج سنبھالنے کے لئے سیکرٹری دفاع کے عہدے سے استعفیٰ دے دیں گے۔ لیفٹیننٹ جنرل(ر)عالم خٹک اس سے قبل کور کمانڈر کوئٹہ اور آئی جی ایف سی خیبرپختونخوا اور آئی جی ایف سی بلوچستان کے عہدوں پر بھی تعینات رہ چکے ہیں جب کہ ان دنوں وہ بطور سیکرٹری دفاع خدمات انجام دے رہے ہیں۔واضح رہے کہ گورنر خیبرپختونخوا سردار مہتاب عباسی نے پارلیمانی سیاست میں حصہ لینے کے لئے اپنا استعفیٰ وزیراعظم کو پیش کیا تھا۔

اس خبر پر اپنی رائے کا اظہار کریں

اپنا تبصرہ بھیجیں