بریپ یارخون کے معروف قتل کیس آشنا کے ساتھ مل کر شوہر کو قتل کرنے کی پاداش میں جرم ثابت ہونے پر ذاکرہ بی بی اور سید شہاب الامین کو 5،5 قید اور 1،1 لاکھ روپے جرمانے کی سزاسنادی
چترال (نامہ نگار)ایڈیشنل سیشن جج اپر چترال سید زاہد شاہ نے بریپ یارخون کے معروف قتل کیس آشنا کے ساتھ مل کر شوہر کو قتل کرنے کی پاداش میں جرم ثابت ہونے پر ذاکرہ بی بی اور چترال پولیس کے سابق اہلکار سید شہاب الامین کوپانچ پانچ سال قید اور ایک ایک لاکھ روپے جرمانے کا حکم سنایا گیا۔استغاثہ کے مطابق اپریل2017کو بریپ سے تعلق رکھنے والا28سالہ نوجوان اسلم بیگ رات کوا چانک فوت ہوگئے تھے جسے حرکت قلب بند ہونے کا سبب سمجھ کر دفنایا گیا تھاجبکہ بعد میں آنے والے واقعات نے نوجوان کی طبعی موت کو مشکوک بنا دیااور یہ شک اس وقت یقین میں بدل گیاجب عدت پوری ہوتے ہی اسلم بیگ کی بیوہ نے یارخون ژوپو سے تعلق رکھنے والے تین بچوں کے باپ اور پولیس کے سپاہی سے بھاگ کر شادی کرلی۔اس واقعے کے بعد مقتول کے اہل خانہ نیان دونوں کو اسلم بیگ کے قتل میں ملوث ٹھہراکر مستوج تھانہ میں ایف آئی آر درج کی اور دوران تفتیش دونوں نے اسلم بیگ کو قتل کرنے کا اعتراف کیاجبکہ دفن کے آٹھ ماہ بعد قبرکشائی کے بعد مقتول کی لاش نکال کر پوسٹ مارٹم کیا گیا تھا۔ عدالت کے کمرے میں موجود دنوں ملزما ن کو فیصلہ سنانے کے بعد پولیس نے حراست میں لے لیا۔ مقتول کی طرف سے کیس گل مراد ایڈوکیٹ پیش ہوئے۔ عدالت نے تعزیراتِ پاکستان کے دفعہ 302 B کے تحت عمر قید کی سزا اور زیر دفعہ544Aکےتحت کے مقتول کے ورثاء کو تین تین لاکھ روپے ادا کرنے کا حکم دیا۔ رقم کی عدم ادائیگی کی صورت میں ملزمان مزید 6 مہینے سزا کاٹیں گے۔
