ایم این اے مولاناچترالی کی جی جی سی دروش میں کلاس فور کی آسامیوں میں غیر مقامی افراد کی بھرتی پر مذمت

چترال (نمائندہ ) چترال سے قومی اسمبلی کے رکن مولانا عبد الاکبر چترالی نے حال ہی میں قائم ہونے والی گورنمنٹ گرلز کالج دروش میں کلاس فور کی آسامیوں کی بندر بانٹ اور غیر مقامی افراد کو بھرتی کرنے کی سختی سے مذمت کرتے ہوئے حکومت کو تنبیہہ کی ہے اس کے سخت نتائج برآمد ہوں گے جن کا خمیازہ بھگتنا پڑے گا۔ بدھ کے روز چترال میں جاری شدہ پریس ریلیز میں انہوں نے کہا ہے کہ دوسرے محکمہ جات کی طرح دروش کالج میں بھی پی ٹی آئی حکومت کلاس فور آسامیوں کو اقربہ پروری اور کمائی کا ذریعہ بنانے کی چکر میں ہے جس سے مقامی لوگوں میں بے چینی پھیل گئی ہے۔ انہوں نے کہا کہ یہ ایک شرم ناک بات ہے کہ دروش کی 31ہزار کی آبادی کو معمولی سرکاری نوکریوں سے محروم رکھا جارہاہے جبکہ مقامی تعلیمی ادارے میں مقامی افراد کی اس کے مستحق ہوتے ہیں۔ مولانا چترالی نے کہا کہ اس بارے سخت احتجاج کیا جائے گا جس میں تمام سیاسی جماعتیں ایک پلیٹ فارم پر ہیں۔