انسانی حقوق کا عالمی دن چترال رورل سپورٹ پروگرام کے زیر سایہ وکلاء برادری کے ساتھ ڈسٹرکٹ کورٹ بار ایسوسی ایشن پشاور کے مین ہال میں منایا گیا

انسانی حقوق کا عالمی دن چترال رورل سپورٹ پروگرام کے زیر سایہ وکلاء برادری کے ساتھ ڈسٹرکٹ کورٹ بار ایسوسی ایشن پشاور کے مین ہال میں منایا گیا۔ جس میں مقررین نے انسانی حقوق کے ساتھ منسلک مسائل پر روشنی ڈالی۔ اس پروگرام میں مہمان خصوصی کی حیثیت سے ایڈوکیٹ سپریم کورٹ نور عالم خان صاحب کو مدعو کیا گیا تھا۔ جبکہ ان کے ساتھ وکلاء برادری سے تعلق رکھنے والے نامور وکیل طارق آفریدی ممبر پاکستان بار کونسل نے شرکت کی۔ وکلاء برادری سے تعلق رکھنے والے وکلاء کی ایک بڑی تعداد نے شرکت کی۔ انسانی حقوق کی پامالی کے حوالے سے کلام کرتے ہوئے مہمان خصوصی نے نظام میں موجود نقائص کی طرف نشاندہی کرتے ہوئے ترجیحی بنیادوں پر ان کو حل کرنے پر زور دیا۔ پروگرام کے اختتام پر Legal aid cell اور Chitral Lawyer Forum کے سربراہ ایڈوکیٹ شاہد علی یفتالی نے انسان اور انسانی حقوق کے باہمی تعلق اور ان کا معاشرے کے اثرات پر سیر حاصل گفتگو کی۔ اس موقعے کی مناسبت سے ایڈوکیٹ شاہد علی یفتالی نے تنظیم کے مختلف موقعوں پر دی جانے والی قانونی معاونت پر بھی گفتگو کی۔ تنظیم کے CEO امیر علی شاہ، سرپرست اعلی ایڈوکیٹ شکیل درانی اور وائس پریذیڈنٹ خورشید عالم نے مہمانان گرامی اور انکے ساتھ دیگر مہمانان کا خصوصی طور پر شکریہ ادا کرتے ہوئے اس بات کا بھی اعادہ کیا کہ مستقبل میں بھی اس حوالے سے جامع حکمت عملی کے تحت اپنی خدمات پیش کریں گے