گیور براگالو کیݰیسی ……. تحریر۔۔۔ مبشرالملک

معزز قارین کرام و عزام کیچہ کی پیست معلوم ۔۔۔۔ کی بوسون کی ہوی اسپہ دورین ۔ژویان ٹیکی ۔چاغ گاذ اموشتی ژاغین ۔ادرخ ۔جنگالاتان موژی ۔غاریین ۔۔۔۔ ݰاہ داغ۔۔۔ (مارچ) مسار گانی شوروتو دیکہ پت ۔۔۔ قوڅی ۔شونٹھی ۔براگالو وا ہے ۔۔۔ نسلو بو امبوخ قسمو ۔مزدار ۔زوالو ۔طاقتوار خوراک ۔۔۔وٹامنز۔منرلز ۔کلشم۔ وا بو قسمو زورآور اجزار قدرتی طورا محفوظ خوارک اسپتے ملاو باو گوایان ۔۔۔۔ ہنیسے دی اسپہ تہزیبو ای حصہ ہیہ کی ۔بوسونو ۔۔۔ بمبورݰ ۔۔ کی شروع ہوی اسپہ اژیلی ۔۔۔ ژویان ٹیکی ۔۔۔ قوڅی مݰذکیک ۔۔۔ کونی موسم کی ساز گار ہوی ہت ݰیک ݰیکہ کوری خامینی ۔۔۔ مگم وحتو سم جوستہ اسپہ دور تقسیم در تقسیم بیتی آبادیہ بے پناہ اضافہ باو گویان ۔وا اسپہ دہات ۔۔۔ شہرا ۔۔۔ بدل باو گونیان ۔چترال ٹاون ۔دروش ۔ایون ۔بونی تقریبا ختم تان ہوی بو کم کوس ۔۔۔ شال مودی ۔شران۔ کھار غیر بہچشینی ۔لہذا ۔قوڅی مݰکیکو رواج و شغل دی ختم ہوی ۔مہ خیالہ شہری اژیلی قوڅی ۔شونٹھی برانگالو ۔۔ نامو دی ہوݰ نو کونی۔
اسپہ ادرخ دی آبادیو زیادتیو وجہیں وا ہمی اشناریان حفاظت نو بیکو وجہیں ختم باو گونیان ۔بو کم بازارا گجر براگانیان برکاتہ اپریل می مسی پوشین بویان مگم خالی دوسی یا لوڑین بوی ۔کو ریکوکی ہیتان قیمتو کار کوری ۔۔۔۔ کاران دوسی تھوبہ کوری بوغاو بو رویان تہ ۔۔۔ لال شاہ ۔۔۔ دی پوشی اسوم۔
ہیہ ۔۔۔ قدرتی زوالو خوارکو برا اہل علم رینیان کی ۔۔۔ بنی اسرایلو بچین کیہ خوراک کی ۔۔۔ من و سلوی ۔۔۔ نامو سورا ملاو باوتیہ اتے موژی ہمی خوراک دی شامل اوشونی۔ ہیہ بو کم وحتو خوراک ۔۔۔ ای مسو موژی تیار بیتی ضایع بوی ۔کی حفاظت نو نوی ۔۔۔ بے وفا صنم ۔۔۔ سار دی بے وفا بوی ۔۔۔ ہبچین ہمتان یورا درے ݯو ݯوے ۔تروپ درے زیب خالتو دیتی کی لکھین ہوی تے بوی۔وا وحت وحتہ ۔۔۔۔ برانگالو ٹیکی۔ شونٹھی کاڑی سوپ۔۔۔ یا بوڑی کی ژبین ہوی۔۔۔۔ بݰقارو آن تہ پوشٹہ گوی۔
ہمو بو امبوخ قسم شینی وا ۔۔۔ زہریلہ دی شینی ۔۔۔ ہے موژی ۔۔۔ کاخ کھیو۔۔۔ تان نو خور دی بو شکل صورت شینی ہیتان ۔۔۔ ݰا رانگ۔سوخوری شکل ۔۔ تروق ذایقہ۔ خیر کروی چوٹاچوٹی بیک ہو مضر و زہریلہ بیکو نݰان۔لہذا ہیتان سار بو احتیاط کوریلی کی ۔۔۔ نافہم اژیلی ہیتان پچیتنی لوٹھوران ہیتان تسلی کوریلی کی نو ہوی بو تیز ہت ۔۔۔۔ مریکو ۔۔۔ دی خطرہ شیر۔ ادراخین بھی جام اشناری لے انگیک ہر کوستے نصیب نو ۔لہزا جدید ساینس ہے خوارکا ن۔۔۔۔ مشینی وے تاتو کوڑوچیان غون اپ گریٹ کوری دورین ۔۔۔ مشروم فارم ہاوس سوزیکہ مدد دویان وا بو کم ژاغا ای مسو محنتو سوار وا ایکمہ ہزار روپیہ ہے خوراکان تیار کوری ۔۔۔۔ بنی اسرایلو غون عیاشی کورین بوی ۔کان کی مناسب ژاغہ زہ ختان ۔چھاغ شوڑبیٹی تیار کوری تو ٹیمپرچرو کی 20 سی ٹو 30سی بہچیتای یو مونہ پت بند کمرا ۔۔۔ ہزیرتان۔۔ہےبچین ۔۔۔ بٹین مشروم ۔۔۔ اسان ارزان ۔زیت پیدوار کوریک فصل ۔جو چھترارو گرم ایریا چترال ٹاون دروش۔ ارندو سایڈو بچین ۔۔۔ ملکی مشروم بو جام بوی ہوتے 30سی تا 40سی درجہ حرارت بیلی۔
کمرشل کا کی کوم ریتاءی اہتہاہی منافع بخش کاروبار ۔دو ڈھاءی ہزارا ۔۔۔۔ اسپام ۔۔۔ تخم یعنی بی دستاب شینی ۔ہرار بیس بیک ۔۔۔ ݯیتور۔۔ کھار ۔۔۔ تیار بوی جو مسار پوشٹی فصل تیار بوی۔
بیس سال پوشٹی شہزادہ رضاءالملک صاحبو قیادتہ اسپہ ایکمہ ژون اے کے ار اس پی و تعاونو سورا ہو تربیتو حاصل کوری بو فادہ گنی استام مگم خواتینان عدم دلچسپیو وجہیں وا تان توجہ نو دیکین پے نسلو بہچے گیکو نو بیتان ۔۔۔۔ پور وا ۔۔۔ چوروٹ دوسی حرکت کوریکو پشاورا ۔۔۔ بی مݰکے دنینہ جو ژاغا فصل تیارے تام کامیاب ہدونی مگم بندوبست جام نو اوشوی۔
شوقین براگینی کاکی اسومی ہیہ سیزنہ بو فایدہ گنیمی ۔۔۔ تمام لوازمات تربیت رہنمایء اسان بیتی شیر۔۔۔ یو ٹیوپ ۔۔۔ رے بابایےاستاذ کیہ دی ٹیمہ پیسہ گایڈ کوی۔
ایگریکلچر ڈیپارمنٹ وا ریسرچ اسٹیشن چترال افو ہوی شیرو سنٹران غون یہہ اہم آسان سستہ خوراکو کی تربیتو پرانی ۔۔۔ترناب فارمہ۔۔۔ بی مݰکیے تھے ۔۔۔ سورمین کھوشیر۔۔۔ تان بوی وا او دی اقبال الدیںن سحر وکڑومان رے۔۔۔۔ ناگہان ہے محفلہ شامل بیکو بوم ۔۔دوستان دی مطالبہ کورور ریسرچ والانتے ۔۔۔۔ بو شکریہ نوازش