Mr. Jackson
@mrjackson
تازہ ترین

اے کے آرایس پی کی تعاون سے آفاق کے زیراہتمام بچوں کے ابتدائی بچپن کی تعلیم یعنی ای سی ڈی دورجدیدکے سائنسی اصولوں کورائج کرنے کے حوالے سے دومہینے کاتربیتی ورکشاپ اختتام پذیر

چترال(ڈیلی چترال نیوز)آغاخان رورل سپورٹ پروگرام چترال کے بیسٹ فارویراورای سی یورپین کمیشن فنڈڈ پراجیکٹ کی مالی معاونت سے ایسوسی ایشن فار اکیڈمک کوالٹی (آفاق) کے زیراہتمام لوئرچترال میں بچوں کے ابتدائی بچپن کی تعلیم یعنی ای سی ڈی دورجدیدکے سائنسی اصولوں کے مطابق بچوں کی بہترذہنی وجسمانی پرورش اورابتدائی بچپن کی نشوونماکے اصولوں کورائج کرنے کے حوالے سے دومہینے کاتربیتی ورکشاپ اختتام پذیرہوا۔اختتامی تقریب سے خطاب کرتے ہوئے اے کے آریس پی کے امین بیگ،ٹریننگ ڈائیریکٹرآفاق پاکستان امیرزیب، منیجرورک اینڈانٹرپرائزپر BEST4WEER پراجیکٹ چترال حمیدالاعظم،سینئرایریامنیجرآفاق چترال ذوالفقارعلی خان اوردوسروں نے کہاکہ ابتدائی بچپن کی تعلیم (Early Childhood Education) کسی بھی بچے کی زندگی بھر سیکھنے کے سفر کے لیے ایک اہم بنیاد ہے۔ زندگی کے ابتدائی چند سالوں کے دوران بچے اہم علمی، جذباتی اور سماجی نشوونما سے گزرتے ہیں۔انہوں نے کہاکہ بچوں کی تعلیم و تربیت اور کردار سازی کیلئے اولین درسگاہ ہمیشہ سکول ہی ہوتے ہیں ، معیاری درسگاہ عمارات سے نہیں بلکہ بہترین اساتذہ سے ہوتی ہے۔جہاں بچوں کی نفسیات کا علم رکھنے والی تربیت یافتہ اساتذہ منفرد طریقے سے بچوں کو پڑھاتی ہیں ۔ اور ای سی ڈی سکولوں میں بچے ایک خاص ماحول کی فراہمی کے باعث تعلیم میں بہت زیادہ دلچسپی لیتے ہیں ۔ جو ان کی شاندار مستقبل کا موجب بنتا ہے ۔انہوں نے کہاکہ اس ورکشاپ سے سکولوں میں طلباء کی تدریس کے لئے بہتر طور پر تربیت یافتہ اساتذہ میسر ہوں گے جس سے تعلیم کے معیار میں بھی خاطر خواہ اضافہ ممکن ہو سکتا ہے ۔ اگرہم ای سی ڈی کے فوائداورخصوصیات کی بات کریں توجدیدتحقیق سے یہ ثابت ہواہے کہ بچے کی ابتدائی سال اہم ہوتے ہیں ۔جس کے دوران بچے میں سیکھنے کی صلاحیت پروان چڑھتی ہیں ۔اچھی صحت ،پرورش کرنے والے محفوظ ماحول اوردرست ذہنی حرکات کے زریعے سے نہ صرف بچے کی نشوونماکی مضبوط بنیادرکھی جاسکتی ہے بلکہ یہ اس بات کوبھی یقینی بناتاہے کہ بچہ آگے چل کرتعلیم ،کام کاج اورمعاشرے میں اہم کرداراداکرسکے اورنئی نسل کوآنے والے وقتوں کے لئے تیارکیاجاتاہے ۔ ابتدائی بچپن کی تعلیم کے اساتذہ کے لیے مسلسل پیشہ ورانہ تربیت بہت ضروری ہے
اے کے آرایس پی کے ذمہ داروں کاکہناہے کہ بیسٹ فارویرپراجیکٹ کینڈین حکومت کی مالی معاونت سے چترال میں خواتین کو اقتصادی، سماجی اور قانونی لحاظ سے بااختیاربنانے اورفنی صلاحیتوں کواُجاگرکرنے کے حوالے سے کام کررہے ہیں ۔ اس پراجیکٹ کے تحت مختلف صلاحیتوں کے حامل خواتین کواُن کی صلاحیت کے مطابق ہنرسیکھنے کی تربیتی پروگرام اور مالی امداد فراہم کرنے کاایک طریقہ شروع کیاہے ۔تاکہ وہ بھی معاشی طور پر مستحکم ہو سکیں۔اس طرح ای سی یورپین کمیشن فنڈڈ پراجیکٹ کی مالی تعاون سے چترال اورگلگت بلتستان میں سوسائٹی ،نوجوانوں اور بچوں کی ابتدائی نشوونما (ECD) اوردرست ذہنی حرکات کے حوالے سے کام کررہے ہیں ۔اس موقع پرپرنسپل کامرس کالج چترال صاحب الدین،ڈسٹرکٹ ایجوکیشن افیسرلوئرچترال محمودغزناوی،امیرجماعت اسلامی لوئرچترال وجہہ الدین،ظہوران شاہ،(ر)پروفیسراحسام الدین،شازیہ سلطان ،تسلیم اختر،فریال ،محکمہ زراعت کے ڈاکٹرفاروق احمدشاہ،پروگرام سہولت کاراسماعیل اوردوسرے موجودتھے تقریب کے آخرمیں شرکاء ورکشاپ کو تعریفی اسناد اورمہمانوں کو اعزازی شیلڈسے نوازا گیا.







Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button