Mr. Jackson
@mrjackson
تازہ ترین

امیر جماعت اسلامی چترال لوئر، وجیہ الدین نے لواری ٹنل سے لیکر شندور تک اور خصوصاً گرم چشمہ روڈ اور دیگر این ایچ اے کے زیر انتظام روڈوں کی ناقص تعمیرات اور خستہ حالی پر گہری تشویش کا اظہار

امیر جماعت اسلامی چترال لوئر، وجیہ الدین نے لواری ٹنل سے لیکر شندور تک اور خصوصاً گرم چشمہ روڈ اور دیگر این ایچ اے کے زیر انتظام روڈوں کی ناقص تعمیرات اور خستہ حالی پر گہری تشویش کا اظہار کیا ہے۔ ان سڑکوں کی بدترین حالت نے نہ صرف عوام کو اذیت اور تکالیف میں مبتلا کر دیا ہے بلکہ عوام کے قیمتی وسائل کو بھی ضائع کیا جا رہا ہے۔ خاص طور پر گرم چشمہ، جو ایک معروف سیاحتی مقام ہے، وہاں کی سڑکوں کی زبوں حالی قابل افسوس ہے۔

یہ امر ناقابل قبول ہے کہ عوامی فنڈز کو چند مخصوص اداروں کی ضروریات پوری کرنے کے لیے بے دردی سے ضائع کیا جائے اور فنڈز میں بے ضابطگیاں روا رکھی جائیں۔ گرم چشمہ کی سڑکوں کی فوری مرمت، پلوں کی تعمیر اور کلوٹ کی بحالی وقت کی اہم ضرورت ہے۔

ہم این ایچ اے کے متعلقہ حکام سے پُرزور مطالبہ کرتے ہیں کہ اس سنگین مسئلے پر فوری توجہ دی جائے اور عوام کے حق میں عملی اقدامات اٹھائے جائیں۔ اگر ان مطالبات پر عملدرآمد نہ کیا گیا تو جماعت اسلامی چترال لوئر گرم چشمہ کے مظاہرین کے ساتھ شانہ بشانہ کھڑے ہو کر ایک عوامی تحریک کا آغاز کرے گی، اور اس ناانصافی کے خلاف بھرپور احتجاج کیا جائے گا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button