نشکوہ اور ملحقہ علاقوں کے لوگوں نے ڈپٹی اسپیکر خیبر پختونخوا اسمبلی محترمہ ثریا بی بی کی کوششوں سے گورنمنٹ ہائیر سکینڈری سکول نیشکو کا ریوائزڈ پی سی ون منظور ہونے پر ان کا شکریہ ادا کیا

چترال (محکم الدین ) نشکوہ اور ملحقہ علاقوں کے لوگوں نے ڈپٹی اسپیکر خیبر پختونخوا اسمبلی محترمہ ثریا بی بی کی کوششوں سے گورنمنٹ ہائیر سکینڈری سکول نیشکو کا ریوائزڈ پی سی ون منظور ہونے پر ان کا شکریہ ادا کیا ہے ۔ اور اسے علاقے کے لوگوں کیلئے ناقابل فراموش خدمت قرار دیا ہے ۔ میڈیا سے بات کرتے ہوئے علاقے کے عمائدین نے کہا ۔ کہ گورنمنٹ ہائیر سکینڈری سکول نیشکو میں فنڈ کی عدم دستیابی کی وجہ سے کام ادھورا رہ گیا تھا۔ وزیر تعلیم کی گزشتہ مہینے دورہ چترال کے موقع پر ڈپٹی اسپیکر خیبر پختونخوا اسمبلی محترمہ ثریا کی جانب پی سی ون ریوائز کرنے کی درخواست کی گئی تھی ۔ جسے وزیر تعلیم نے ترجیحی بنیادوں پر محکمہ پلاننگ اینڈ ڈیولپمنٹ سے منظور کرا کر دوبارہ کام شروع کرنے کے احکامات جاری کیے ۔ جس پر ہم ان کے شکر گزار ہیں ۔
واضح رہے یہ منصوبہ اب 30 جون 2026 کو مکمل ہوگا۔ جس سے یونین کونسل تریچ اور موڑکھو کے طلباء استفادہ حاصل کریں گے ، ڈپٹی سپیکر خیبر پختونخوا اسمبلی ثریا بی بی نے علاقے کے لوگوں کی درخواست پر خیبر پختونخوا حکومت کے وزیر تعلیم سے محکمہ پلاننگ اینڈ ڈیولپمنٹ کے ذریعے گورنمنٹ ہائیر سکینڈری سکول نیشکو کا ریوائزڈ پی سی ون منظور کرنے کا مطالبہ کیا تھا ۔ جس کے منظوری کے احکامات جاری کر دیئے ہیں ۔

۔