آغاخان ایجنسی فارہیبٹاٹ کے زیراہتمام چترال میں 16اکتوبر 2025کو AKDN شیک آوٹ ڈے منانے کے سلسلے میں چترال کے ایک مقامی ہوٹل میں ایک تقریب کاانعقاد
چترال (ڈیلی چترال نیوز)آغاخان ایجنسی فارہیبٹاٹ کے زیراہتمام چترال میں 16اکتوبر 2025کو AKDN شیک آوٹ ڈے منانے کے سلسلے میں چترال کے ایک مقامی ہوٹل میں پروگرام کاانعقاد کیا ۔پروگرام میں سرکاری وغیرسرکاری سکولوں کے اساتذہ ، AKDN کے دوسرے ادارے اوردوسرے سرکاری اداروں کے نمائندے خواتین حضرات نے شرکت کی۔ پروگرام سے خطاب کرتے ہوئے ریجنل پروگرام منیجرآغاخان ایجنسی فارہیبٹاٹ ولی محمدیفتالی، ،ٹریننگ آفیسرعیسیٰ خان،جیالوجسٹ معراج الدین ،کمیونکیشن افیسرغفوراحمد اوردوسرو ں نے کہاکہ اوردوسروں نے کہاکہ وادی چترال قدرتی آفات اور خصوصا زلزلے کے حوالے سے ریڈ زون میں واقع ہے ۔ زلزلے کو روکنا اگرچہ انسانی بس کی بات نہیں تاہم پوری دُنیا میں ریسرچ سے یہ ثابت ہو چکی ہے کہ زلزلے کے دوران جھک جائیں،چھپ جائیں اورپکڑے رہیں کے طریقوں پر عمل کرتے ہوئے انسانی جانوں کو بچانے میں مدد ملی ہے۔انہوں نے کہاکہ زلزلے کے جھٹکے محسوس کریں تو اپنے ہوش وحواس قابو میں رکھیں۔ خوفزدہ ہو کر بغیر سوچے سمجھے بھاگنے ،اوپر کی منزل سے چھلانگ لگانے اور چیخنے چلانے سے پرہیز کریں۔زلزلہ آنے کی صورت میں اگر آپ گھر میں موجود ہیں تو فوری طور پر ہاتھوں اور پیروں کے بل زمین پر بیٹھ جائیں اور کسی میز کے نیچے پناہ لے لیں اور اسے ایک ہاتھ سے پکڑ لیں، زلزلے کے جھٹکے رکنے تک وہاں سے باہر نہ نکلیں۔زلزلے کے دوران گھر میں موجود بھاری فرنیچر کے قریب نہ جائیں ،شیشے کی کھڑکیوں سے گزرنے کی کوشش ہر گز نہ کریں، زلزلے کی وجہ سے شیشہ ٹوٹ کر آپ کو لگنے کاخطرہ ہے۔ انہوں نے کہاکہ اس دن کو منانے کا مقصد زلزلے سمیت دیگر قدرتی آفات کے بارے میں عوام کو مختلف عوامل سے آگاہ کرنا ہے۔ انہوں نے کہاکہ شیک آوٹ ایک سالانہ حفاظتی مشق ہے جوزلزلے کے نقصانات سے بچاؤکے طریقوں میں بہتری کے لئے سالانہ بنیادوں پرکی جاتی ہے۔ قدرتی آفات میں زیادہ تراموات عوام میں آگاہی کے فقدان اور فوری مد د رسانی نہ ہونے کے باعث ہوتی ہیں پیشگی اقدامات اور احتیاطی تدابیر اختیار کر کے آفات اور ناگہانی حادثات کے نقصانات کوکم کیاجاسکتا ہےجس کیلئے عوامی آگاہی مہم اور جدید ٹیکنالوجی کو بروئے کارلانا وقت کی اہم ضرو رت ہے۔ انہوں نے کہا کہ گذشتہ کئی سالوں سے دنیاکے 20ممالک میں آغا خان ڈویلپمنٹ نیٹ ورک (AKDN) کے زیراہتمام ہونے والے شیک آوٹ کمپین میں اب تک تقریباایک ملین سے افراد نے حصہ لیا جن میں طلباء وطالبات کی بڑی تعداد شامل تھے۔
