KPCPWC اور یونیسیف کا ایک مشترکہ مشن ضلع چترال (لوئر) کے چائلڈ پروٹیکشن یونٹ (CPU) کا دورہ
چترال (نمائندہ ) چائلڈ پروٹیکشن کے نظام کو مزید مضبوط بنانے اور فیلڈ لیول پر جاری اقدامات کا جائزہ لینے کے لیے KPCPWC اور یونیسیف کا ایک مشترکہ مشن ضلع چترال (لوئر) کے چائلڈ پروٹیکشن یونٹ (CPU) کے دورے پر آیا۔
مشن نے ضلعی انتظامیہ کے ساتھ ملاقات کی جس میں چائلڈ پروٹیکشن سے متعلق جاری سرگرمیوں، درپیش چیلنجز اور باہمی تعاون کے امکانات پر تفصیلی تبادلہ خیال کیا گیا۔
بعد ازاں وفد نے وی سی دینن لوئر چترال کا دورہ کیا جہاں کمیونٹی بیسڈ چائلڈ پروٹیکشن کمیٹی کے اراکین سے ملاقات کی گئی۔ اس موقع پر کمیونٹی سطح پر جاری سرگرمیوں اور بطور فرنٹ لائنرز ان کے کردار کا تفصیلی جائزہ لیا گیا۔ کمیٹی اراکین نے اپنے تجربات اور درپیش مسائل سے وفد کو آگاہ کیا۔
مشن نے لوئر چترال کے اہم اسٹیک ہولڈرز کے ساتھ ایک کوآرڈینیشن اجلاس میں بھی شرکت کی، جس کا مقصد چائلڈ پروٹیکشن کے نظام کو مزید مؤثر اور مربوط بنانا تھا۔
اس موقع پر چائلڈ پروٹیکشن یونٹ (CPU) لوئر چترال کے کردار کو خصوصی طور پر سراہا گیا، جو بچوں کے تحفظ، کیس مینجمنٹ، ریفرل سسٹم کی مضبوطی، اور متعلقہ اداروں کے درمیان مؤثر رابطہ کاری میں کلیدی حیثیت رکھتا ہے۔ CPU کو بچوں کے تحفظ سے متعلق فوری ردعمل، کمزور بچوں کی نشاندہی اور خدمات تک رسائی کو یقینی بنانے میں ایک مرکزی ادارے کے طور پر اجاگر کیا گیا۔
مشن کی قیادت KPCPWC کے ایڈیشنل چیف اجاز محمد خان (Ijaz Muhammad Khan) نے کی، جنہوں نے اجلاس کے دوران ایک تفصیلی پریزنٹیشن پیش کی۔ پریزنٹیشن میں صوبے بھر میں چائلڈ پروٹیکشن کے حوالے سے اہم کامیابیوں، جاری اقدامات اور فیلڈ لیول پر عملدرآمد کی صورتحال کو اجاگر کیا گیا۔
یونیسیف کے وفد نے KPCPWC کی کوششوں کو سراہا اور چائلڈ پروٹیکشن سسٹم کو مزید مضبوط بنانے کے لیے اپنے مسلسل تعاون کے عزم کا اعادہ کیا۔
یہ دورہ مقامی سطح پر ادارہ جاتی رابطہ کاری کو بہتر بنانے اور بچوں کے تحفظ کے نظام کو مؤثر بنانے کی جانب ایک اہم قدم قرار دیا گیا
