تازہ ترین
ملاکنڈ ریجن میں پولیس افسران کے تبادلے، آر پی او سید فدا حسن شاہ نے اعلامیہ جاری کر دیا
چترال/ریجنل پولیس آفیسرز (آر پی او) ملاکنڈ ریجن، سید فدا حسن شاہ (پی ایس پی) نے خیبر پختونخوا پولیس ایکٹ 2017 کے تحت ملنے والے اختیارات کا استعمال کرتے ہوئے ملاکنڈ ریجن میں متعدد پولیس افسران کے فوری طور پر تبادلوں اور تعیناتیوں کا حکم جاری کر دیا ہے۔آن لائن نوٹیفکیشن کے مطابق لوئر چترال اور شانگلہ کے پولیس افسران کے محکمے میں ردوبدل کی گئی ہے، جن کی تفصیلا ت حسب ذیل ہیں:ڈی ایس پی رحمان یوسف: ایس ڈی پی او دروش (لوئر چترال) سے تبادلہ کر کے ڈی ایس پی ہیڈ کوارٹرز لوئر چترال تعینات۔ڈی ایس پی اقبال الدین: ڈی ایس پی ہیڈ کوارٹرز لوئر چترال سے تبادلہ کر کے ایس ڈی پی او لوٹ کوہ لوئر چترال تعینات۔ڈی ایس پی احمد عیسیٰ: ایس ڈی پی او لوٹ کوہ سے تبادلہ کر کے ایس ڈی پی او سٹی لوئر چترال تعینات۔ڈی ایس پی سجاد حسین: ایس ڈی پی او سٹی سے تبادلہ کر کے ایس ڈی پی او دروش لوئر چترال تعینات۔ڈی ایس پی نعیم خان: ڈی ایس پی انویسٹی گیشن شانگلہ سے تبادلہ کر کے ڈی ایس پی سیکیورٹی ڈسٹرکٹ شانگلہ تعینات۔انسپکٹر امجد عالم: شانگلہ سے کارروائی کرتے ہوئے ایکٹنگ ڈی ایس پی انویسٹی گیشن شانگلہ تعینات کر دیا گیا۔ اعلامیے کے مطابق تمام احکامات پر فوری طور پر عمل درآمد کرنے کی ہدایت کی گئی ہے۔
