357

*** آزاد چھترای ۔۔۔۔۔شہزادہ مبشیرالملک***

اوا اردو ا ہسیم مہ چیت نا کھوارا ہسیم
اوا تہذیبار خبار دی اوا تان وارا ہسیم
’’علم ‘‘ زو تار مہ میراث ’’ سمرقند ‘‘ ’’بخارا‘‘ گوُاہ
اوا ’’ فارسی‘‘ فہمیدم ، برادر خمارا ہسیم
اوا ’’ پشتوا‘‘ خورے ، ’’انگریزیا‘‘ ریسٹ دی کوروم
شوموتے ’’ بشگالی وار‘‘ جامو سوم جام وار ہسیم
اتھے کڑیاں نال آیا رے ای ’’پنجابی‘‘ ای گیکو
’’شاہاک ‘‘ جمار بیکو رئے اوا تنارا ہسیم
’’شخ وارا ‘‘ پوشور ژوتی، دونان ’’وخیک وارا‘‘ کھلیم
غیچی ’’ گجرُوارا‘‘ کوم یومون کیہ بہارا ہسیم

عجب زوالو زبان مہ بطنو یہ ’’ پالولہ‘‘
’’یغدیس‘‘ ’’ کیلاشہ ‘‘ مہ خوش اوا ’’ ہنزک وارا ‘‘ ہسیم
’’عربی‘‘ مہ سورو ای تاج ’’چینہ‘‘ کوما تت ’’ شینا‘‘ کوم
اوا ’’ تہذیبان‘‘ ’’مرکز‘‘ ما فخر شیر یارا ہسیم
کوروم ’’تورکھوچی وار‘‘ کا مہ سوم یا شوم ڈ س د یکو
کا مت عزت کی اریر توغوسوم بیارا ہسیم
اوا پیسہ ہوس کوروم ، ارب کیوت کھورور کیوتے ریر
اوا ’’ پانامار ‘‘ خبار چنگے مو نسارا ہسیم
مہ ’’ خزانان ‘‘ الونیان رہبر بخ پیسو سوم خوشان
دغیو چاموٹ دونا ہوس نو کوم اچھارا ہسیم

ما کا بے عزت کورویان؟ متان چمچہ گان مہ یارئے
’’کوڑو ‘‘ باو تھش مشکنیان تان غمو چوتارا ہسیم
مبشرؔ کا لوو دوئی غلام میاں گاناں تے بی
اوا ’’آزاد چھتراری ‘‘ تان آزاد چھتررا ہسیم
****

اس خبر پر اپنی رائے کا اظہار کریں

اپنا تبصرہ بھیجیں