103

ای آرزو تہ نامہ ۔۔۔۔جمشیدحسین عارفؔ

ای آرزو تہ نامہ بوئے  پنہان کلہ پت
ای آرزو  تہ   پھانہ  ورقصان  کلہ پت
ای   آرزو  تہ  مڥکی  بیرمجازو  دیہا
ای  آرزو تہ عشقو کوئے آغازو  دیہا
ای آرزو  تہ وصلو بے ثمرکیچہ  ریم
ای آرزو   ہردیو   بے   اثر کیچہ   ریم
پونچ حروفان اچی   ایتو جور   کوریتم
محبت رے آخر  موتے نام لاکھیتم
محبت  و پشیئر   بوحسین نظاران
محبت تہ ۻھیۻھیئر وا آداب وفان
محبت نفرتو  پولوغان دی پالیر
محبت    تہ   التی  گلستانہ باسیر
محبت  مہ آرزومہ  نالہ  مہ  فریاد
محبت تہ سفر ریکو کھون سوئیتم
جستجو زادِاہ ریکو ۻھو ہوسیتم
جستجو تہ خوشو دروبامہ تارئیر
جستجو    تہ گانی   کیہ     مقامہ    تارئیر
جستجو تہ   دردو   تھے   نوغدار وا سومئیر
جستجو    تہ    خفتہ    یہ    بختو   انگا  ہیر
جستجو        ای     قطرو     سمندر ہ  تاریر
جستجو      پولوٹیئو     ای    شجرہ     تارئیر
تہ      اُمیدو      پونہ     اوشو پھاو    تھیتم
ای    آرمانو     ڥیکی    اوا  خوشپ پوشیم
خوشپ  بڑاۻے حسرتان وا مہ پروشٹہ الائے
خوشپ     خیالو     بحرو   ای   پہانہ   اوائے

Print Friendly, PDF & Email

اپنا تبصرہ بھیجیں