233

ٹراکوما کنٹرول پراجیکٹ کے تحت چترال اور بونی میں بینائی سے محروم مریضوں کا مفت معائینہ اور اپریشن

آنکھون کی مخصوص بیماری میں مبتلا ہوکر بینائی سے محروم ہونے والے افرادکی بحالی کے لئے پیکو  (PICO)Pakistan Institute of Opthalmology نے دی فرڈہولوز فاونڈیشن اور یوکے ایڈ(UK AID) کے تعاون سے ٹراکوما کنٹرول پروجیکٹ کے تحت چترال اور بونی میں مریضون کا مفت معائینہ اور آپریشن کیا۔ اس دو روزہ کیمپ میں اس پروجیکٹ کے سربراہ ڈاکٹرجنید وزیر ،ڈاکٹر ولی ،ڈاکٹر معراج اور ایم۔ایس ٹی ایچ کیو ہسپتال بونی ڈاکٹر فیض الملک جیلانی نے مریضون کا معائینہ کیا ۔پروجیکٹ کوادینیٹر ڈاکٹر جیند وزیر کے مطابق آنکھون کے اس مخصوص بیماری کی وجہ سے لوگ تیزی سے بینائی سے محروم ہوجاتے ہیں اور حالیہ چند سالون میں ایسے افراد کی تعداد میں تیزی سے اضافہ ہورہاہے اس صورت حال کو مدنظر رکھ کر بین الاقوامی ادادروں نے حکومت پاکستان کے ساتھ ملکر اس پروجیکٹ کا آغاز کیا ہے اس سلسلے میں انکی ٹیم نے ابتدائی مرحلے میں چترال سے اس مرض میں مبتلا ۶۰ مریضون کو منتخب کر کے انکا فری آپریشن کیا اور ساتھ ہی اس مرض کی آگاہی اور بروقت تشخیص کیلئے لیڈی ہیلتھ ورکرز کو ٹریننگ بھی دی گئی اور ابتدائی مرحلے میں اس مرض میں مبتلا ہونے والے افراد کے بروقت علاج کیلئے ضلع میں موجود آئی اسپیشلسٹ ڈاکٹرز کو بھی تربیت دی گئی۔

اس خبر پر اپنی رائے کا اظہار کریں