Breaking News

ائی جی خیبر پختونخوا نے بے گناہ شہری کے خلاف مقدمہ قائم کرنے پرایس ایچ او اور تفتیشی افسر کو ملازمت سے فارغ کر دیا

پشاور (نامہ نگار )انسپکٹر جنرل آف پولیس خیبر پختون خوا ناصر خان دُرانی نے ایک بے گناہ شہری کے خلاف جھوٹے مقدمے کے اندراج اور اسمیں ناقص تفتیش پر ایک ایس ایچ اُو اور ایک تفتیشی آفسر کو فوری طور پر ملازمت سے برخاست کر دیا ہے۔تفصیلات کے مطابق پشاور کے ایک شہری نے آئی جی پی کو درخواست دی تھی کہ ایس ایچ اُو پولیس اسٹیشن ہشتنگری انسپکٹر رحمت اللہ نے اُن کے دکان پر غیر قانونی چھاپہ ماکر اُن کے خلاف جھوٹا اور جعلی مقدمہ درج کیا اور اُن سے دکان میں پڑی قیمتی سامان کے علاوہ 50 ہزار روپے بھی زبردستی چھین لئے اور ساتھ ساتھ یہ دھمکی بھی دی کہ اگر انہوں نے مزید تین لاکھ روپے نہ دیئے تو پھر اُن کو اوران کے بیٹے کے خلاف دہشت گردی کے مقدمات بنائے جائیں گے۔شہری نے اس جھوٹے مقدمے میں جان بوجھ کر غلط خطوط پر تفتیش کرنے پر تفشیشی آفسر سب انسپکٹر عمران الدین کے خلاف ناقص تفتیش کی شکایت بھی کی تھی۔آئی جی پی نے شہری کے ان شکایات کی جب ڈی آئی جی انکوئری اینڈ انسپکشن کے ذریعے انکوائری کرائی۔ تو انہوں نے اپنی تفتیشی رپورٹ میں شہری کی شکایات کوبلکل درست اور حقیقت پر مبنی قرار دیتے ہوئے مذکورہ دونوں آفسروں ایس ایچ اُوپولیس اسٹیشن ہشتنگری انسپکٹر رحمت اللہ اور تفتیشی آفسر سب انسپکٹر عمران الدین کو بڑی سزا دینے کی سفارش کی۔ آئی جی پی نے ڈی آئی جی انکوائری اینڈ انسپکشن کی رپورٹ کی روشنی میں بے گناہ شہری کے خلاف جھوٹا اور جعلی مقدمہ کے اندراج پر ایس ایچ او پولیس اسٹیشن ہشتنگری انسپکٹر رحمت اللہ اور جان بوجھ کر ناقص اور غلط خطوط پر تفشیش کرنے پر تفشیشی آفسر سب انسپکٹر عمران الدین کو فوری طور پر ملازمت سے فارغ کرکے اس کا باقاعدہ حکم نامہ بھی جاری کردیا۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

گلگت چترال روڑ حکومت پاکستان کی جانب سے گلگت بلتستان بالخصوص ضلع غذر کے عوام کے لئے تحفہ ہے،اگر فنڈز کی فراہمی یقینی ہو تو یہ شاہراہ 18 ماہ تک مکمل ہوسکتی ہے چیف سیکرٹری گلگت بلتستان

غذر (نامہ نگار)چیف سیکرٹری گلگت بلتستان ابرار احمد مرزا نے غذر پریس کلب کے ممبران …

Leave a Reply

Your email address will not be published. Required fields are marked *