ماں کے ددوھ کی افادیت سے متعلق آگاہی کے سلسلے میں ڈائرکٹوریٹ جنرل آف ہیلتھ کے زیر اہتمام دوسری نشست GHQ ہسپتال چترال کے سبزہ زار میں منعقد

چترال (نمائندہ) ماں کے ددوھ کی افادیت سے متعلق آگاہی کے سلسلے میں ڈائرکٹوریٹ جنرل آف ہیلتھ کے زیر اہتمام دوسری نشست پیر کے رو ز ڈسٹرکٹ ہیڈ کوارٹرز ہسپتال چترال کے سبزہ زار میں منعقد ہوا جس میں ڈسٹرکٹ خطیب مولانا فضل مولیٰ ,فوکل پرسن محمد ظفر خان، پبلک ہیلتھ کوارڈینیٹر ڈاکٹر ولی خان، چارج نرس سکینہ ا ور نے بچوں کے لئے ماں کے دودھ کی اہمیت پر تفصیل سے روشنی ڈالی۔ انہوں نے نوزائید ہ بچے کو پیدائش کے فوراً بعد ماں کا دودھ دینے، بچے کو چھ ماہ کی عمر تک صرف اور صرف ماں کا دودھ حتیٰ کہ پانی بھی نہ پلانے اور کورونا وائرس انفیکشن میں مبتلا ماؤں کو اختیاطی تدابیر سے بچوں کو دودھ پلانا جاری رکھنے کی تاکید کی۔ اس موقع پر قرآن وحدیث کی روشنی میں بچوں کے لئے ماں کے دودھ کی افادیت واضح کرتے ہوئے کہاگیا کہ دو سال اور دو ماہ تک بچوں کو پلانے کے فوائد کو میڈیکل سائنس نے بھی ثابت کردی ہے جس میں ماں اور بچے دونوں صحت مند رہتے ہیں۔ پروگرام سے قبل ماں کے دودھ کی اہمیت کو اجاگر کرنے کے لئے آگہی واک کا اہتمام کیا گیا۔