اپر چترال (ذاکرمحمدزخمی)سو ریچ تورکھو میں بدھ 31جولائی کی صبح سیلاب نے تباہی مچا دی ۔گاوں کے گاوں صفحہ ہستی سے مٹنے کی خبر ہےدو افراد زندگی کے بازی ہار گئے 43 گھرانے مکمل اور 42 گھروں کو جزوی نقصان پہنچا ہے سیلاب کی وجہ سے ،کھڑی اور تیارفصلیں ،باغات اور جنگلات ملیامیٹ ہوگئے ہیں۔ موبائل نیٹ ورک نہ ہونے کی وجہ سے معلومات کی فراہمی میں مشکلات درپیش ہے کوشش کے باوجود کوئی فوٹیج حاصل کرنے میں ناکامی ہورہی ہے۔انتہائی کوشش کے بعد سابق ناظم شیر بہادر سے رابطہ ہوسکا جو خود بھی سیلاب متاثرین میں شامل ہے انہوں نے بتایا کہ سیلاب کے باعث گاوں کے 80% آبادی صفحہ ہستی سے مٹ گئی ہے۔ انہوں نے مزیدکہا کہ ایک خاتون زوجہ برکت خان اور ایک مرد بلبل علی ملبے تلے دب کر وفات پا گئے ان کے لاش مقامی رضاکاروں نے سخت محنت کے بعد ریکور کی ۔جبکہ ایک فرد کو شدید زخمی حالت میں ریسکیو کیاگیا ۔لوکل رضاکار امدادی کارروائیوں میں مصروف ہیں۔ ضلعی انتظامیہ متحرک ہے مقامی پولیس موقع پر موجود ہے ایڈیشنل اسسٹنٹ کمشنر عسی محمد عملہ اور امدادی ساماں سمیت جائے وقوعہ کی طرف روانہ ہوئے ہیں جو امدادی کارروائیوں کی نگرانی کرینگے۔ ۔موبائل نیٹ ورک نہ ہونے کی وجہ سے بہت سے مشکلات پیش ارہے ہیں علاقے سے باہر رہنے والے گاوں کے لوگ حالات سے بے خبر اور پریشان ہیں۔ سابق ناظم شیر بہادر نے انتظامیہ اور مخیر اداروں سے خصوصی تعاون کی درخواست کی ہے۔اپ نے کہا کہ مصیبت کی اس گھڑی میں پاسماندہ گاوں کے لوگ بالکل مفلوج اور بے بس ہوگئے ہیں حکومتی اور مخیر اداروں کو فوری اور خصوصی توجہ دینے کی اشد ضرورت ہے۔