اسلام آباد(مانیٹرنگ ڈیسک) معروف نعت خوان جنید جمشید کے مینجرارسلان نے تصدیق کی ہے کہ حادثے کا شکار ہونے والے طیارے میں جنید جمشید بھی موجود تھے۔نجی ٹی وی اے آر وائے نیوز کے مطابق جنید جمشید کے مینجر ارسلان نے کہا ہے کہ جب میری جنید بھائی سے بات ہوئی تو وہ ایئر پورٹ پر موجود تھے،اس کے بعد میری ان سے کوئی بات نہیں ہوئی۔حادثے کا شکار ہونے والے پی آئی اے کے اس بد قسمت طیارے میں وہ بھی موجود تھے۔واضح رہے کہ پی آئی اے کا طیارہ اسلام آباد سے چترال جاتے ہوئے حادثے کا شکار ہو گیا تھا،اس طیارے میں 47افراد شامل تھے۔
