77

شدید گرمی کے باعث خیبرپختونخوا کے سرکاری اور نجی سکولز مزید 10 دنوں کےلئے بند

نگران وزیر اعلیٰ خیبر پختونخوا جسٹس ریٹائرڈ دوست محمد خان نے شدید گرمی کے پیش نظر سرکاری اور نجی دونوں سطح پر پرائمری اور مڈل سکولوں میں کل سے 10 دن کی چھٹیوں کا اعلان کردیا۔

سپیشل سیکرٹری برائے ایلیمنٹری اینڈ سیکنڈری ایجوکیشن ارشد خان کے مطابق نگران وزیراعلیٰ نے یہ اعلان معمول سے ہٹ کر گرمی کی شدت میں اضافے اور بچوں کو مشکلات کے حوالے سے بڑھتی ہوئی شکایات کے تناظر میں کیا ہے۔

سیکرٹری ایجوکیشن کے مطابق نگران وزیراعلیٰ نے مذکورہ حکم پر عملدرآمد یقینی بنانے کی ہدایت کرتے ہوئے واضح کیا ہے کہ ریگولیٹری اتھارٹی حکم کی تعمیل یقینی بنانے کیلئے سکولوں پر چھاپے مارے گی اورخلاف ورزی کرنے والے سکولوں کو بند کیا جائے گا اور ان پر جرمانہ بھی عائد کیا جائے گا۔

Print Friendly, PDF & Email