چترال(نمائندہ )جمعہ 24مارچ2017کو ایس آرایس پی اور پی پی اے ایف کے چیف انجینئر علی،ایس آرایس پی کے چیف انجینئرذوہیب اور سینئر ایس او امیر نواب نے چترال کے دورافتادہ علاقے مڈکلشٹ کا دورہ کیا۔اور مقامی ایل ایس او کے چیئرمین اور وی سی ناظم قاضی خورشید احمداور ایل ایس او کے ممبران کے ہمراہ مایتو پُل ،گراونڈ کے قریب 500فٹ حفاظتی بند اور500فٹ دیوار کا سروے کیا۔چیئرمین ایل ایس او وی سی ناظم قاضی خورشید احمد نے اس موقع پر مہمانوں کا شکریہ اداکرتے ہوئے کہا کہ ایس آر ایس پی کے انجینئرزنے چترال کے انتہائی دور افتادہ علاقے کادورہ کرکے علاقے کے لوگوں کی حوصلہ افزائی کی اور تین اہم منصوبوں کا سروے کیااور اُمید کا اظہار کیا کہ عنقریب 4اور منصوبوں کا بھی سروے کرائینگے۔
192