Breaking News

پیرامیڈیکل کا بنیادی مقصد دکھی انسانیت کی خدمت ہے،صدرپیرامیڈیکل ایسوسی ایشن چترال

چترال (ڈیلی چترال نیوز) پیرامیڈیکل ایسوسی ایشن چترال کے صدر سردار ولی خان ، سینئر نائب صدر وقار احمد، ریاض رضا دوسرے رہنماؤں غلام سرور نے کہا ہے کہ ان کی تنظیم کا بنیادی مقصد دکھی انسانیت کی خدمت ہے جبکہ وہ غیر ضروری ایشوز پر کسی سے پنگا لے کر وقت اور توانائی ہرگز ضائع نہیں کریں گے۔ پیر کے روز چترال پریس کانفرنس سے خطاب کرتے ہوئے انہوں نے ایسوسی ایشن کو درپیش مسائل کا ذکر کرتے ہوئے کہاکہ ضلعے میں بعض ہسپتالوں کو مختلف این جی اوز آغا خان ہیلتھ سروس، پی پی ایچ آئی اور پی آر سی ایس کو دیئے گئے تھے مگر ان اداروں میں کام کرنے والے پیرامیڈیکل اسٹاف کو ان اداروں کی طرف سے کوئی اضافی معاوضہ نہیں مل رہا جو کہ قاعدہ وقانون کے مطابق ان کا حق بنتا ہے۔ انہوں نے کہاکہ آغا خان ہیلتھ سروس کا انتظامیہ محکمہ صحت کی طرف سے ان کے فائر ووڈ الاونس کا رقم بھی پورا پورا دینے سے انکاری ہے اور یہ پیرامیڈیکل اسٹاف کے ساتھ سراسر ذیادتی ہے جوکہ ناقابل برداشت ہے۔ انہوں نے کہاکہ چترال میں پیرامیڈیکل اسٹاف کو رہائش کا مسئلہ بھی درپیش ہے جبکہ سنگور میں قائم ڈاکٹرز کالونی میں آوٹ سائڈرزنے قبضہ جمالیا ہے اور ان حالات میں پیرامیڈیکل ہاسٹل کی تعمیر کے لئے بھی وہ جدوجہد کریں گے۔ انہوں نے کہاکہ صوبے میں نرسنگ کونسل کے طرز پر پیرامیڈیکس کے لئے پیرامیڈیکل کونسل کے قیام کے بھی وہ بھر پور جدوجہد کریں گے تاکہ ان کو ایک موثر اور بااختیار فورم حاصل ہو۔ انہوں نے گزشتہ دنوں ایسوسی ایشن کی تقریب حلف برداری کے موقع پر ایم پی اے سلیم خان کی شرکت اور ان کے مطالبے پر ڈسٹرکٹ ہسپتال کے اندر پانی اور بجلی کی سہولیات کی فراہمی کے لئے اپنے فنڈ سے دس لاکھ روپے کی فراہمی پر ان کا شکریہ بھی ادا کیا ہے۔انہوں نے پی ٹی آئی کے ضلعی کنوینر رحمت غازی کا بھی شکریہ ادا کیا جو کہ ان کی تقریب میں شرکت کرکے ان کی حوصلہ افزائی کی۔ پیرامیڈیکل ایسوسی ایشن کے عہدیداروں نے پیرامیڈیکل کے لئے سروس اسٹرکچر پر عملدرامد کے لئے صوبائی قیادت کا بھر پور ساتھ دینے اور اسے منظور کرانے کا بھی عہد کیا۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

سابق ایم پی اے سیدسردارحسین شاہ بریپ کے مقام پرگاڑی کے حادثے میں جان بحق اورزخمی ہونے والے افرادکے لواحقین کے ساتھ ہمددری اورانسانی جانوں کے ضیاع پرانتہائی دکھ اورافسوس کااظہار

چترال(ڈیلی چترال نیوز)سابق ممبرصوبائی اسمبلی اپرچترال سیدسردارحسین شاہ نے پلموٹھینگ بریپ کے مقام پرٹیوٹالینڈکروزرگاڑی   کے …

Leave a Reply

Your email address will not be published. Required fields are marked *