جمعیت علماء اسلام کے پلیٹ فارم سے ضلع ناظم چترال کے عہدے کیلئے الیکشن لڑنے کے سلسلے میں مولانا عبدالرحمن کے نام ٹکٹ جاری

Related Articles

مستقبل کو قدرتی آفات سے محفوظ نہیں بناسکتے ہیں اور کرہ ارض کی بقا ہی بڑے پیمانے پر پودے لگانے پر منحصر ہے ڈپٹی کمشنر لویر چترال محسن اقبال

1 hour ago

اسلام آباد میں دھرنا میں شرکت کے لئے جماعت اسلامی لویر چترال کا قافلہ مولانا جمشید احمد کی قیادت میں چترال شہر سے روان

3 hours ago

ایپکس کمیٹی کی نشست کا بنیادی مقصد حکومت خیبرپختونخوا اور دیگر اداروں بشمول پاک فوج اور پولیس کی دہشتگردی کے خاتمے اور صوبے میں امن قائم کرنے کی مشترکہ کوششوں کا احاطہ کرنا

14 hours ago

چترال ( نمایندہ ڈیلی چترال )جمعیت العلماء اسلام اور جماعت اسلامی کے مشترکہ نامزد امیدوار برائے ضلع ناظم چترال مغفرت شاہ نے کہا ہے ۔ کہ وہ اللہ پاک کی ذات سے یہ امید رکھتے ہیں ۔ کہ ضلعی نظامت چترال کا عہدہ بلا مقابلہ اُن کے حصے میں آئے گا ۔ ٹاؤن ہال چترال میں بطور ممبر ڈسٹرکٹ کونسل چترال حلف لینے کے بعد انہوں نے اخباری نمائندوں سے خصوصی بات چیت کرتے ہوئے کہا ۔ کہ افواہوں کے دم توڑنے کیلئے بہت کم وقت رہ گیا ہے ۔ جس کے بعد حقیقت سب کے سامنے واضح ہو جائے گی ۔ انہوں نے کہا۔ کہ وہ سیاست کے ایسے اناڑی کھلاڑی نہیں ۔ کہ اپنا دفاع کرنا نہ جانتے ہوں ۔انہوں نے کہا ۔ کہ چترال کی ضلعی حکومت دونوں مذہبی جماعتوں کے مابین طے شدہ معاہدے کے تحت منطقی انجام تک پہنچ جائے گی ۔ اور اس میں ہمیں جمعیت علماء اسلام کے امیر اور ممبران اُن کے ساتھ ہیں ۔ درین اثنا جے یو آئی کے مخالف گروپ کے رہنما مولانا عبدالرحمن نے ہمارے نمائندے سے کہا ہے ۔ کہ مرکزی قائد جمعیت مولانا فضل الرحمن نے صوبائی قیادت سے مشورے کے بعد جمعیت کے پلیٹ فارم سے ضلع ناظم چترال کے عہدے کیلئے الیکشن لڑنے کے سلسلے میں ٹکٹ جاری کیا ہے ۔ اور انہیں ضلع ناظم کے عہدے کیلئے نامزد کردیا گیا ہے۔ اور باقاعدہ طور پر نوٹیفیکیشن جاری کرنے کے بعد ضلعی قیادت کو اس بارے میں آگاہ کردیاگیا ہے ۔واضح رہے ۔ اس سے قبل صوبائی امیر جے یو آئی مولانا گُل نصیب کی طرف سے نام کے بغیر ٹکٹ جاری کیے گئے تھے ۔